Salgaien zerrenda

«Walden»i Nafarroako liburu-denden saria

Azaroan iritsi zen liburu-dendetara Henry David Thoreau-ren WALDEN euskaraz. Hamaika edizio eta itzulpen dauzkan liburua da, Ipar Ameriketako erromantizismoaren lan nabarmenetako bat, ekologismoaren eta naturari buruzko idazketaren klasiko bat, jatorrian 1854an argitaratua 2021ean ezagutu du euskara. Danele Sarriugartek zoragarri itzulia Koro Navarroren laguntzarekin eta Antonio Casado da Rocharen hitzaurrearekin.

Nafarroako liburu-dendek, aurten bosgarrengoz, aurreko urteko liburuak nabarmentzeko asmoz, hiru sari banatzen dituzte, horietako bat euskarazko liburuari. Handik iritsi da saria eta gonbidatu nahi zaitugu, martxoarne 25ean 13:00etan Nafarroako Museoko aretoan egingo den sari banaketara eta 19:00etan egingo den mahai ingurura. Goizean Sarriugarte egongo da gurekin, arratsean Casado da Rocha. Beste bi liburu sarituak Bibiana Candiaren Azucre eta Isabel Minhós Martins eta Bernardo P. Carvalhoren Atlas de los grandes viajeros y exploradores izan dira.

Eskerrik asko sariari, baina bereziki, eskerrik asko Danele, Koro, Antonio eta Koldori (gure azal guztien egile...) Henry euskarari ekartzeagatik.

Hedabideetan

Hemen Danele Sarriugarteri elkarrizketa DIARIO DE NOTICIASen, sariari albistea egunkari berean, albistea DIARIO DE NAVARRAn, elkarrizketa EUSKALERRIA IRRATIAn eta elkarrizketaARGIAn.



Gomendatutako liburua:


Gaiari buruzko artikuluak