2025eko sanferminak
2025/07/02
Oporretara joango zara munduaren amaieraren aurretik? Zatoz liburu bila ostiral iluntzea baino lehen! Hilaren 17an itzuliko gara ohi bezala.
Bestetik, dakizunez, uztailaren 6an eguerditik aurrera, eta 7an bazkalostean, galaxiako DJ onenak izango ditugu ohiko maratoian. Eta 7tik aurrera, menu izugarri goxoa eguerdian (ez baduzu tokia gorde, deitu segituan 948 225520ra, honezkero egun erdietako jantokiak beteak dauzkagu), bermut goxo baterako osagaiak eguerdiro (erraldoi eta kilikien ostean lasterka egin ostean jateko) eta afari ezin hobeak suen aurretik afaltzeko.
Paul Mattick: «Marx eta Keynes»
Iritsi da liburu-dendetara udaberri-udako euskaraz argitaratuko dugun azken nobedadea, Paul Mattick handiaren MARX ETA KEYNES. EKONOMIA MISTOAREN KRISIA. Pablo Oliveros-en hitzaurrearekin (Julio Sotok itzulia) eta Garazi Goldarazenak euskarara ekarria. Ezinbesteko bi testu Keynesi eta kapitalismo betea den ekonomia mistoa ulertu eta kritikatzeko.
«Manifiesto por la abolición de la seguridad»
Uste duzu segurtasunaz pentsatzea garrantzitsua dela? Bai? Irakurri gure udako azken nobedadea gazteleraz: Manifiesto por la abolición de la seguridad, besteak beste Mark Neocleousek osatzen duen Segurtasunaren kontrako taldeak idatzitako ezinbesteko manifestua.
Iruzkina «Funtzionarioak esan zuen» liburuari
Samira Calvok iruzkina egin dio Herta Müllerren Funtzionarioak esan zuen poema liburuari.
Harremana duten ekitaldiak
Libros recomendados:
