Eric Toussaint + Ixiar Rozas + Miguel Urban

2015/04/13

Aste estrainio baten ostean (irakaskuntzaren munduko lagun askok izan ditu oporrak) egunerokotasuna itzuli da kale Nagusira. Egunotan lagun askoren bisitak izan ditugu, Araba eta Gipuzkoako tuiterlari ezagunak etorri zitzaizkigun, adibidez. Baina urruneko lurretatik ere ardoa ekarri dugu. Terra Altatik Hannibal Smithek ardo beltza eta zuria ekarri zigun Labrunet de Frisach ardo ekologikoa eskuragarri duzu ardandegian.

Apirilak 23a aurki dator, liburuaren eguna, eta apirileko bigarren hamabostaldiko geure agenda indartsu dagoela ikusiko duzu. Nabarmendu nahi dugu asteartean 19etan Ixiar Rozas etorriko dela Oskar Alegriarekin Beltzuria liburu berria aurkeztera. Asteazkean 19etan Eric Toussaint ekonomialariaren txanda izango da, bera da Greziako Gobernuaren eta Europako Batasunaren arteko zorra negoziatzen duenetako bat. Larunbatean Miguel Urbanek eskuin muturra Europan izaten ari den igoerari buruzko liburua aurkeztuko du. Gainera hileroko La Casa Rojaren hitzordua izango da Almudena Vidorretaren Días animales liburuarekin. Horrez gain, datorren asteartean Andrés Herrerak Espainia eta Txinaren arteko azken hamarkadetako harremanak aztertu dituen liburua aurkeztuko du, Josep Fontanaren hitzaurrea dauka. Eta ostiralean Miren Etxezarreta ekonomialari mitikoak kapitalaren oldartzeari buruz hitz egingo du.

Ixiar Rozas eta Oskar Alegria: Beltzuria

2014ko udazkeneko liburu sonatuenetako bat izan da Ixiar Rozasek idatzitako Beltzuria. Asteartean 19etan gurean aurkeztuko du Oskar Alegriaren laguntzarekin.

Eric Toussaint Greziaren eta Europaren zorrari buruz

Eric Toussaint mundu mailako erreferente bat da zorrari eta nazioarteko finantza erakundeei buruz. Asteazkenean Patxi Zamora (Kontuz!) eta Igor Arroyo (LAB) izango ditu lagun, Nafarroako zorraren gaia azalduko dute labur.

Ekitaldia Hitz & Hitz fundazioak antolatu du.

Miguel Urban Europako eskuin muturrari buruz

Larunbatean 19etan Miguel Urbanek Europako eskuin muturrari buruzko liburua argitaratuko du. Lerroburu askotan azaltzen dira Fronte Nazionalak Frantzian izan dituen emaitzak edo PEGIDA mugimenduak Alemanian duen indarra.

Eztabaida errepublikarra + Tienda Roja + Almudena Vidorreta

Aipatutako guztiaz gain astelehenean 19etan Batzorde Errepublikazaleak bigarren eztabaida antolatu du. Honakoan Espainiako estatuak eta Europako Batasunak duten erakunde krisia izango da gaia. EH Bilduko, Izquierda-Ezkerrako eta Podemos-Ahal duguko kideak azalduko dira.

Ostiralean 17:30ean Eider Pachecok hilekoari, menopausiari, menarkiari eta haurdunaldiari buruz hitz egingo du.

Ostiralean 19etan bilera gelan La Casa Roja taldekoak batuko dira Almudena Vidorretaren liburuari buruz solasteko.