«Lehen astinduak» & «La caza de brujas en Pamplona»
2026/01/30
Liburuaren katean idatzi gabeko arau bat dago: ez da abenduan libururik argitaratu behar, hain lan handia dago liburu-dendetan gabonen bueltan nobedadeak ito egiten direla. Ordea, bi nobedade indartsu geneuzkan eta aurrera jo genuen. Zorionez harrera ederra izaten ari dira.
Lurraren Altxamenduen LEHEN ASTINDUAK. Iraultza ekologista bat argitaratu genuen. Ezinbesteko lan bat lurraldearen artifizializazioaz eta Frantzian 150.000 lagunen sare ekologistaren erresistentziaren ardatzez. Adi. Honezkero Durangon eta Gasteizen aurkeztu badugu ere, otsailaren 1ean Elizondon aurkeztuko dugu eta gerora Ortzaizen, Baionan eta beste hainbat txokotan.
Beste nobedadea Leire San Martínen LA CAZA DE BRUJAS EN PAMPLONA da, artxibategiko historialariren zorroztasunez egindako liburua baina, baita ere, berritzailea, Euskal Herriko sorgin ehiza Silvia Federiciren posizioetatik aztertu duelako. Liburua albiste izan da EUSKALERRIA IRRATIAn, GARAn, DIARIO DE NOTICIASen eta SER irratian.
Kantinako berrikuntzaz
Han hemenka jarraitu dugu kantinako berrikuntzaz jarduten. Abenduan Mikel Urdangarinekin egon ginen eta GAUR 8n jaso zuen eta Uxue Aldavek DIARIO DE NOTICIASen.
Irakurri nahi duzu Deleuze eta Guattariren «Mila goi-ordoki»?
Mila goi-ordoki. Kapitalismoa eta eskizofrenia gure garaia inarrosten duen XX. mendeko klasikoetako bat da. Baina... irakurri duzu? Irakurri nahi duzu? Partekatu? Katakrakeko Ikerketa Guneak lagunduko dizu. Bost saiotan irakurriko dugu (gazteleraz) eta saio horietako bitan Raúl Sánchez-Cedillo egongo da gurekin, eman izena!
2025eko salduenak
Maite dituzu rankingak? Kuxkuxeatu 2025ean zeintzuk izan ziren 8 salduenak saiakeran eta 8 salduenak narratiban euskaraz eta gazteleraz.
Harremana duten ekitaldiak
Libros recomendados:
