Joan zen 2019... eta 2020 heldu da!
2020/01/03
Joan zen 2019. Urte indartsu bat eta ederra. Baita ere goibela. Berarekin egin dute alde Jon Tomasena Aldaiak eta Sagrario Ruiz Elizaldek. Guregandik gertu izan ditugu, ospa dezagun hori.
2019ak ekarritako gauza ederren artean daude aurten euskarari ekarri dizkiogun zazpi liburuak: Lidia Txukovskaiaren eleberri bat eta Nanni Balestriniren beste bat eta Silvia Federici, Susan Buck-Morss, Eva Illouz eta Ryszard Kapuscinskiren saiakerak. Horrez gain zortzi saiakera bildu ditugu gazteleraz: hiriguneetako borroken ingurukoak, klaseari eta antolaketa politikoari buruzkoak, emakumeen historiari buruzko klasiko bat, Brasilgo eskuin muturrari buruzko lan bat, errepideei eta bizikletari buruzko beste bat, maitasuna eta teknologiari buruzko Horvaten azkena. Tartean dago, noski, Airbnb. La ciudad uberizada Sagrariok itzulitakoa.
2019ko salduenak
Urtero egiten ditugu salduenen rankingak. Urtero moldatzen ditugu kategoriak. Hauek dira, beraz, iazko datuak: euskarazko salduenak saiakeran eta narratiban (Katakrakek argitaratutakoak kenduta) eta Katakrakek argitaratutakoetatik salduenak gure liburu-dendan. Eta ariketa bera gaztelaniaz: saiakerako eta narratibako salduenak (Katakrakek argitaratutakoak kenduta) eta Katakrakek argitaratutakoetatik salduenak gure liburu-dendan.
2019ko audioak souvenir gisa
Ezinezkoa da 2019ko 200 ekitaldien berri hemen ematea. Horregatik hautaketatxo bat egin dugu.
Rosa Luxemburgen Kartzelako gutunak Sophie Liebknechti liburua aitzaki Alemaniako iraultzen loraldiaren eta porrotaren berri eman genuen.
Atlantiko Beltzaren bigarren edizioan Dave Randall, Iruinkokoa, María Cabral edota Zarys Falcon etorri ziren gurera.
Martxoaren amaieran Sorgin-ehizari buruzko lehenengo topaketa feministak egin ziren Iruñean eta, besteak beste, Silvia Federici, Amaia Nausia, Nùria Morelló, Gemma Piérola, Nùria Morelló, Eva Vázquez, Iraitz Agirre, Lisset Coba eta Alice Markham-Cantor izan ziren gurean.
Maiatzan Laura Latorrek polimaitasunari buruzko ikastaro bat antolatu zuen eta Irantzu Varela, Brigitte Vasallo edota Miguel Vagalumek hitzaldia eskaini zuten.
Udazkenean Letrazaurituak jaialdia izan genuen, besteak beste, Marta Sanz, Luna Miguel, María Bastarós, Sabina Urraca edota Cristina Fallarás etorri ziren.
Harremana duten ekitaldiak
Libros recomendados:
