«Ulertzen ez duzuna da badirela erosi ezin diren gauzak»

2016/09/17

1890eko irailak 15ean jaio zen XX. mendeko idazle handietako bat. Bai, Agatha Christieren eleberri batetik hartu dugu buletin honen izenburua. Polizia nobelaren bidez, Erresuma Batuko –eta munduko beste zenbait tokietako– tentsio sozialak, izaera ezberdinak eta psikologiak kontatzen dizkigu. Zorionez, itzultzaileei eta Igela argitaletxeari esker, Hercules Poirot mitikoaren lehenengo abentura bera (Stylesko gertaera misteriotsua) euskaraz daukazu, baita beste zenbait eleberri mitiko ere (Orient Expresseko hilketa edota Heriotza Nilo ibaian).
Tira, eta frantsesez ere badugu Christieren eleberriren bat, nahi izatera.

Afariak: egunero

Bai. Hala da. Bi urtez txigorkiak izan ostean. Hemendik aurrera astelehenetik asteazkenera asteburuetako eskaintza izango dugu: ogitartekoak, entsaladak, azkenburukoak. Gainera asteburuetako eskaintza indartzea erabaki dugu. On egin!

Neighbor-en kontzertua

Asteon kontzertu puska daukagu. Neighborek bere bigarren diskoa argitaratu berri du: HAU eta bigarren aurkezpen kontzertua Katakraken izango da.
Bere abestiak eskuragarri dauzkazu sarean. Horrez gain, Asier Altuna zuzendariaren laburmetraia bat gomendatzen dizugu: taldekideetako bat agertzen delako. Zela Trovke du izena, eta euskarazko azpitituluak ere badauzka. Bertan ezagutuko duzu Maite Larburu Neighboreko biolinista.