XX. mendeko pentsalari interesgarrienetako baten funtsezko liburua da hau, eta filosofiatik eta teoria politikotik idatzia dago. Nola aldatu zuen mundua Frantziako iraultzak? Nola egin zuen Ameriketako Estatu Batuetakoak? Zer arrasto utzi zuten orduko iraultzek? Zer potentzia zuen AEBko iraultzak eta zer ikas dezakegu hartatik? Nola eskuratu askatasuna eta zoriontasun publikoa? Zer ikas dezakegu kontseilu-sistemaren praktika eta porrotetatik?
Gerra eta iraultza, auzi soziala, zoriontasunaren bilaketa, tradizioa, indarkeria, askapenaren eta zapalkuntzaren genealogia, poesia eta antzerkia. Arendt aldarrikatzen duten gehienek hark idatzi ez zituenak defendatzen dituzte, eta Arendt gutxiesten dutenetako asko harengandik uste baino gertuago daude. Marxen itzala dago liburu honetan –nahiz eta Arendt esplizituki zegoen Leninen kontra–, baina gaur egungo liberal bakar batek ezingo lituzke, ez osorik ez atalka, liburu honek dakartzan piezak bere egin.

Iraultzen historia birpentsatu eta etorkizunekoei garaiz antzemateko bitxiz jositako harri bat.

«Absolutuetatik ihesi, eskatologia politikotik urrun, baina agian une honetan behar dugun mistizismotik gertu, hemen duzu Hannah Arendten lan ederra.»
Mario Zubiaga Garate, hitzaurrean