Eromena, azpimemoria eta isiltasuna(k) idazten. Hutsune bihurtutako emakumeak garaiko gizartearen eta moralaren ispilu

Itxaso Martin Zapirain

Ikerketa lan honetan, eromen terminoa berreskuratu nahi izan du egileak. Mendebaldeko medikuntza-sistema hegemonikoak "buruko gaixotasuna" erabiltzen du gaur egun; baina termino horrekin, ez da "deskubritze" hori kulturalki eta sozialki baldintzatuta dagoela adierazten. Kontrako aldean koka dezakegu eromen terminoa; zientifikotasunik gabekotzat jotzen da gehienetan.