Lidia Montesinos (antropologoa): Elkarrenganako herrestatze-efektuak Michael Marder (filosofoa): Naturaren elementuen indarrak Koenraad Van den Driessche (geologoa): Errautsetatik errautsetara, hautsetatik hautsera Kimia Kamvari eta Nader Koochaki (artista eta editorea, hurrenez hurren): Gogoratu hegaldia, txoria hilkorra da Liburua hiru hizkuntzatan argitaratu da: euskara, gaztelera eta ingelesa, eta Filiep Tacqek diseinatu du. Kimia Kamvari (Colonia, 1986) Irandik Euskal Herrira etorritako artista da. Teherandik Beasaingo Astigarreta auzora bizitzera mugitu zenetik, bere lanek bira kontzeptual garrantzitsua jasan zuten. Esperientzia horren emaitzak jaso zituen Nature Change erakusketak, eta hala jasotzen ditu liburu honek ere. Naturari begiratzeko modu propioa landu du urte hauetan zehar Kimiak, eta ildo horretatik lanean ari da bere egitasmo berrietan ere; hala nola, iaz egindako Event Horizon erakusketan.