2015eko udaberrian hasi zen dena. Iñaki Redinek Comicreando (Maite Segura eta Iñaki Redin 'Kaki'rekin batera egindako liburua) Merced karrikako TBO liburu denda mitikoan eta Katakraken salgai uztea erabaki zuenean. Hantdik etorri zen liburu haren aurkezpena (entzungai).
Urte hartako gabonetan Comicreandori buruzko elkarrizketa egin zioten RADIO EUSKADIn eta solasaldia ADHNaren eta medikalizazioaren gaira lerratu zen. Liburu dendara etorri zen hurrengoan esan genion zergatik ez zuen horri buruzko hitzaldi bat prestatzen. Eta hala egin zuen, aretoa beteta eta galdera txanda bero batekin. Eta hitzaldi hartatik etorri zen Educar sin drogas (y sin recortes) liburua, joan den udaberrian aurkeztu zena.
Iñaki Redín bere liburuak eta hitzaldiak baino gehiago izan zen. Halere, merezi du bere azken liburuak hedabideetan izan duen presentziaren hautu bat egiteak, hara:
Kataluniako EL NACIONAL agerkarian erreseina egin zioten, DIARIO DE NOTICIASen María Olazaranek erreportaia egin zion, Sonsoles Echavarrenek DIARIO DE NAVARRAn elkarrizketa, albistea IRUINDARRAn azaldu zen, eta beste bat EL SALTOn, Iker Tubiak erreportaia mardula egin zion BERRIAn, Marisa Lacabek elkarrizketa ONDA CERO irratian eta berdin RADIO EUSKADIko Graffitti saioan.

Reilado Iturriza Venezuelako kultura ministro izan zen eta El chavismo salvaje liburua aurkeztera etorri zela baliatuz June Sanmillanek elkarrizketa egin zion EGUZKI IRRATIAn.

Entzungai daukazu Donostia eta Bilboko turistifikazioari buruzko hitzaldia.

Andrea Caprarulok, bere itzuleran, Fogwillen Los pichiciegos aztertu du.

June Sanmillán eta Maitane Unzu, ekainak 2an egingo den Alternatiben Herriaz aritu ziren Taupadak saioan.

Luis Soldevila RADIO EUSKADIko Iflandian izan zen eguberriez hitz egiten Felix Linaresekin.

Fernan Mendiolak bi liburu elkarrekin iruzkindu ditu: Viaje a la aldea del crimen eta Tres periodistas en la revolución de Asturias, 30eko hamarkadako errepresioei buruzkoak biak.

Amaia Astobiza, Silvia Federiciren euskaratzaileak ANBOTO aldizkariaren galderak erantzun zituen.

Idoia Sobrino eta Maialen Sobrino Amaia Apalauza itzultzaileaz aritu ziren, besteak beste Filiala eta Askatasuna, etengabeko borroka bat ekarri ditu euskarara.

GOIERRIKO HITZAk Europar mezulariaren argitalpenaren berri eman zuen.

Ez al zenuen gogoratzen? Abenduaren 30ean gure urtebetetzea da.

Aurten arrazoi bikoitza dugu elkartzeko. Katakrakek 4 urte betetzen ditu baina La Hormiga Atomica Liburuak-en 10. urteurrena ospatzen dugu ere, gure lehengusina helduena izan zen horri une bat ere eskeini nahi diogulako. Hiriko historia sozialaren atal honengatik egin nahiko genuke topa, geurea delako, baina bidean topatu dugun jendearena delako batez ere. Hamar urte ezer gutxi badira ere, lan kolektiboaren altxor dira, poztasun iturri, esfortzuaren topagune, pasioaren indar eta hiriko esparru berri baten eraikuntzarako bide izan dira.

Maite bagaituzu, zatoz gurekin: topa eginen dugu, Amores de Barra talde itzelarekin abestuko dugu, bermut, azeituna eta papata festa izanen da.

Hitzordua 12:15etan izanen da Katakraken

Zu gabe ospatuko dugu ere, baina okerragoa izanen da.