Hauteskundeak baino 6 egun lehenago etorri zen Raul Zelik vBerlindik eta CONTINUIDAD O RUPTURA (Capitán Swing 2016) aurkeztu zigun. Egungo Espainiako Erreinuko abagune politiko-instituzionalari buruz: aukerak, mugak, historia, aldaketak.
Audioez eta bestelakoez gain, buletin honetan gogoratuko dizugu, Sanferminetan hemen bazabiltza oraindik badirela hamarretakoetarako eta bazkarietako leku batzuk. Bide batez, aurten laugarren urtez Black Fermin egongo da Katakraken, nork jarriko digun musika dantzagarria? DJ Reimy, DJ Budin, Music in My Soul Selektah, Dodosound eta Fermin Boom Head meets Oroel Golden Boy egongo dira noski.
Iritsi da Katakraken hirugarren garagardoa: lehenengo Txelaren eta Terexkovaren ostean heldu da MarGari. Beraz, irakurri bere izenaren jatorria, bere esloganaren autoreari buruz eta, noski, garagardoari berari buruz.
Maitane Unzuk Musaka eta algarroba krema egin zuen Euskalerria irratiari aurten agur esateko.
June Sanmillánek agur esan zion, aurtengo Iflandia saioari. Radio Euskadin Errefuxiatuen krisiaren eta erakundeen utzikeriaren aurrean Iruñerriko zenbait hiritarrek egin duten karabanaz jardun zuen.
Eduardo Arteta Irujok agur esan zion ikasturteari de Hala Bedi Irratian hiru liburu gomendatuz: AUTOBIOGRAFÍA Angela Davisena, VOCES DE CHERNÓBIL Svetlana Alexievichena eta GOETHE EN DACHAU Nico Rostena.
Hala adierazi zuen José Francisco Alenzak, jada entzungai duzun zaratari buruzko hitzaldian.
Gaur hauteskunde orokorrak dira Espainiako Erreinuko hiritarra bazara. Horregatik, literaturako bi pasarte batu ditugu buletin honetarako: batetik, Bertolt Brechten bertso batzuk kapitalismo parlamentarioari buruzkoak, eta, bestetik, Koldo Izagirreren azken nobelako pasarte bat bozka sekretuari buruz, buletineko izenburua hortik dator gainera.
Gertatuko dena gertatuko dela Iban Barrenetxea eta Diego Moreno izango ditugu Roald Dahlen LA CATA ipuina ekitaldi berezi batean aurkezteko: ardo dastatzea egongo da, beraz, etorri liburuarekin, amaieran sariak egongo direlako Nordica argitaletxearen 10. urteurrena ospatzeko.
Adi aurten geure aukera gastrononomikoa zabalagoa izango dela. Joan den urtean bezala aldaketarik gabeko filosofia gailenduko da osagaien kalitatean eta jatorrian: ahal den neurrian gertukoak eta ekologikoak. Hala, nahi baduzu deitu eta gorde zure ortorduak 948 225520 zenbakian.
Uztailak 6a beteta dago baina 7tik 14ra hamarretakoak izango ditugu 16 euroan: mahaiaren erdigunean lehenengoak (patata erreak, babarrunak, arrautza frijituak) eta aukeran bigarrenak (pistoa, urdaiazpikoa tomatearekin, ajoarrieroa, arkumea eta frijituak) baita ogia eta ardoa ere.
Bazkariak ere gorde ditzakezu 7tik 14ra (nahiz eta egun batzuk beteta edo ia beteta dauzkagun) 23 euroan: lehenengoak erdigunean (salmorejoa, pikilo piper konfitatuak, meloia baratxuriarekin, barazki pastela), eta hautatzeko bigarrenak (arkumea, hegaluze tatakia, babarrun zuriak, risottoa) eta azkenburuak (mami eta ron sorbetea, hizozkia browniearekin, fruitua mendafinarekin).
Gauero, ohi bezala, afariak; ogitarteko beroak eta hotzak, hanburgerrak eta arrazioak.
Juan Etxenikek EN DEFENSA DEL POPULISMO (Catarata 2016) liburuaren iruzkina egin du, Carlos Fernández Liria filosofoaren azken lanaz.
Pablo Solonek gobernu eta ordezkaritza ardurak izan zituen Evo Moralesen gobernuetan eta Latinoamerikak dituen erronkez jardun zitzaigun.
2015eko torturaren txostenaren aurkezpenaren aitzakiarekin izan ziren Paco Etxeberria eta Oihana Barrios torturari buruz hitz egiten.
Gazte botereari buruzko jardunaldiak egon ziren Iruñerriko zenbait lekutan Katakreko hitzaldian eskualde ereduaz jardun zuten.
Aurkezpen jentsetsua izan zen AUTOBIOGRAFÍA (Capitán Swing) liburuarena. Angela Davis-ek idatzi eta Arnaldo Otegiren hitzaurre batekin: entzungai daukazu aurkezpena. Era berean, eskura daukazu aurkezpenaren osteko erantzun eta gogoeten erronda.
Ekitaldian Davisen aurreko zenbait liburu aurkeztu ziren: besteak beste, MUJERES, RAZA Y CLASE (Akal) edota DEMOCRACIA DE LA ABOLICIÓN (Trotta). Gainera, Howard Zinnen LA OTRA HISTORIA DE LOS ESTADOS UNIDOS (Hiru) aipatu zen eta ekitaldia Eduardo Galeanoren PATAS ARRIBA (Siglo XXI) liburuko aipu batekin amaitu zen: buletin honi aipu hark ematen dio izena.
Nieves Salobralek eskaini zuenAmatasunak, ekonomia eta komunitatea ikastaroko azken hitzaldia, entzungai daukazu jada.
Aurreko hitzaldi guztiak ere zerrenda batean batu ditugu.
Irantzu Urdaniz eta Alberto Jauregi 25 urte bete dituen Sanduzelaiko Umetxearen historiaz hitz egitera etorri zitzaizkigun. Hurrengo egunean Diario de Noticias egunkarian elkarrizketatu zuten Alberto.
Luis Soldevila Felix Linaresekin izan zen Radio Euskadiko Iflandia saioan Iruñerriko gerra kulturalei buruz.
Xabier Maeztu Euskalerria Irratian izan zen eta Dolmak zerbarekin egiten irakatsi zigun.
Entzungai daukazu Jokin Pallaresek egin zuen CIEN MIL PASOS POR TIERRAS BEREBERES liburuaren aurkezpena.
Maitane Unzu estreinekoz Sukalde kontuak blogean Goi mailako sukaldaritza gizonen kontua da idazkiarekin. Gaurkotasun handiko gaia ikuspuntu berri batetik: hartu generoa, sukalde mediatikoa eta zilegitasuna eta irabiatu.
Joan da aurtengo Iruñea NOLA? jaialdia eta Luis Soldevilak kontatuko dizu bizi eta sentitu zuena. Aukera duzu Iñaki Basterrak Ekinklikentzat egin zituen argazkiak ikusteko: buletin honetako argazkia ere berea da.
Arin arin azaldu zen kantinako ekosistemaren lagin bat ETB1eko Pintxo &Pote saioan: Guneko arrautzetako Mikel, Santi Leoné, Lupi Lakasta eta beste zenbait lagun.
Amatasunei buruzko ikastaroan Vanina Vázquez Gentile izan genuen. Patriarkatuko eraikuntza kulturalei buruz jardun zuen, aspaldiko ekarpen originaletako bat, zuen testuinguruarengatik: desiraz, hizkeraz, amatasunaz aritu zen, psikoanalisitik sarritan.
Egun batzuk lehenago, Txefi Roco etorkinen eta amatasunaren ingurukoez aritu zen: entzungai daukazu bere ekarpena eta osteko galdera-erantzunen txanda.
Hedoi Etxartek duela aste batzutako Mmatarrak bikotearen kontzertuko abestiak hartu eta testuen eta abestien jatorriaz idatzi du.
Joan den astean PuntuEus Fundazioak Euskarazko Interneten lehenengo jaia egin zuen: entzungai daukazu haien hitzaldia.
Rut Iturbide, 160 lagunen aurrean aritu zen egun bizi den maitasun erromantikoari buruz.
June Sanmillán Félix Linaresekin egon zen Iflandia saioan Sanferminetarako espazio berriei buruz hitz egiten, amatasunen ikastaroaz ere jarrdun zuten.