Charles Bukowski
1920, Andernach - 1994 Los Angeles
Postaria, poeta, nobelista eta ipuinen idazlea izan zen. Amerikar pobreen bizitzez jardun zuen bereziki: alkoholaz, idazketaz, emakumeekin intimitatea eta maitasuna partekatzeaz. Liburuak argitaratzeaz gain, AEBtako eta EBko bazterreko literatur aldizkarietan ere argitaratzen zituen testuak.
Bukowskik bere aurreko idazle askoren oinordekotzat jo zuen bere burua, tartean, Knut Hamsun, Céline, Hemingway edota Li Pai.
Orain arte euskaraz lau liburu eman dira argitara: Poema antologia (Susa 1997) eta Pulp (Txalaparta 2002) Josu Lartategik itzuliak, Satanen seme (Elkar 2007) eta Infernuko hesteetan (Elkar 2008) Mikel Olanok itzuliak. Horrez gain, haren zenbait olerki argitaratu dira Susa eta Hegats aldizkarietan, fanzineetan, blogetan eta sare telematikoetan.
