Udal Ikastola: herri-hezkuntza proiektu euskalduna

Diktaduraren ondorengo garaia gizartea berritzeko eta eguneratzeko oso aproposa izan zen. Alderdi politikoek, sindikatuek, kristau oinarri komunitateek, talde feministek eta mota ezberdinetako elkarteek bultzatu zuten Iruñean eguneratze hori gertatzeko. Iruñeko Udalak bere papera jokatu zuen: Andraize, Haur Eskolak eta hezkuntzaren arloan gurasoen eta irakaslegoaren arteko proiektu eskolarra, Udal Ikastola babestu zituen. Hezkuntza euskalduna, berritzailea eta aktiboa ezaugarriak zituen proiektu eskolarra, hau da, Udal Ikastola.