Irrika Sexologiak ekarri zizkigun Joserra Landarroitajauregi eta Maria Arnaiz hitzaldi eder batekin: sexologiaz, afera biologikoaz, kulturalaz, eboluzioaz eta desiraz jardun zuten.
Astelehenean heldu zen inprentatik geure euskarazko azken nobedadea: NAGUSIA KANPOAN BIZI DA Takiji Kobayashi japoniarraren eleberria. Hiromi Yoshidak itzuli du japonieratik eta Iñigo Aranbarrik egin du hitzaurrea. Asteazkenean Miren Mindegiak DIARIO DE NOTICIASen erreportaia egin zuen.
Asteon egin dute geure liburu baten lehenengo iruzkina, ARGIAn Amaia Alvarez Uriak idatzi zuen ASKATASUNA, ETENGABEKO BORROKA BATi buruz.
Joan den larunbatean Patxi Gaztelumendik SIGUE ADELANTEren itzultzaile Luis Soldevilla eta Xabier Maeztu elkarrizketatu zituen. Ostegunean Txari Eletak Maeztu elkarrizketatu zuen EUSKALERRIA IRRATIAn, musika mordoak lagunduta.
Iñaki Redínek EDUCAR SIN DROGAS aurkeztu zuen Radio Euskadin.
Jesús Cintorak liburua aurkeztu zigun astelehenean, baina igandean GARAk elkarrizketa bat egin zion eta BERRIAk ere berdin.
![](https://katakrak.net/sites/default/files/styles/blog_home/public/18722706_1856653931260866_8545926544608985088_n_0.jpg?itok=gcZte1-D)
Asteazkenean, DNA Jaialdiaren baitan izan genuen Jaime Conde-Salazar-en hitzaldi ederra. Egun horretan bertan DIARIO DE NOTICIASek elkarrizketa mardula argitaratu zuen.
Ana de Miguel, NEOLIBERALISMO SEXUAL (Cátedra) liburuaren egileak hitzaldi interesgarria eskaini zuen areto betean.
Eduardo Irujok Antonio Ortuñoren LA VAGA AMBICIÓN (Páginas de espuma) iruzkindu du .
Iñaki Redín Onda Cero irratian izan zen EDUCAR SIN DROGAS liburuaz solasten Marisa Lacaberekin.
Eduardo Irujo, azokaren aste zoro honetan, stakhanovista jarri zaigu. Bere bigarren iruzkina TRINCHERAS PERMANENTES (Pepitas de Calabaza) liburuari egin dio, Madrilgo Traficantes de Sueñoseko langile den Carolina León liburu saltzaileari.
Ana Jakak, lagun mordoarekin, aurkeztu, errezitatu eta teatralizatu zuten bere azken poema liburua.
Entzun dezakezu 10 INGOBERNABLES (Libros del K.O.) liburuaren aurkezpena.
![](https://katakrak.net/sites/default/files/styles/blog_home/public/jaime_conde_salazar_katakrak_0.jpg?itok=8OepUiZK)
Bihar, ostiralarekin, hasiko da Gaztelu plazako Liburu azoka. Aurten ohiko bi postuak izan beharrean hiru izango ditugu, liburu gehiago beraz. Nobedadeak izango ditugu, ikasturteko liburu interesgarrienak, funtsa eta argitaletxearen liburuak.
Gogoan izan, gainera, 10%eko deskontu klasikoa egingo dugula feriako postuetan. Mendebaldean izango gara, alegia, San Nikolas karrikatik ala Sarasate pasealekutik bazatoz topatuko gaituzu.
Larunbatean 12:30ean SIGUE ADELANTEren aurkezpen berezia izango dugu Xabier Maeztu eta Luis Soldevila itzultzaileekin eta Broken Brothers Brass Band talde osoarekin.
Maiatzak 30ean 12:30ean Takiji Kobayashiren NAGUSIA KANPOAN BIZI DA aurkeztuko dugu.
Ekainak 1ean 18:15ean Iñaki Redín 'Popi'k EDUCAR SIN DROGAS aurkeztuko du.
Ekainak 3an 12:00etan Eneko Aizpurua itzultzaileak EUROPAR MEZULARIA aurkeztuko du, Robert Menasse saiogile entzutetsuaren saiakera.
![](https://katakrak.net/sites/default/files/styles/blog_home/public/azoka2.jpg?itok=8ZUdSPjs)
Ofiziala da. Hasi gara SIGUE ADELANTEren aurkezpenekin (Katakrak 2017). Luis Soldevila eta Imanol Miramón Sant Andreuko (Bartzelona) Fira Literalen izan ziren Fermin Muguruzarekin batera. Parada zoragarria da Literal, bertako langile eta militanteen giro atsegina, egin dituzten hautuak: gorazarre egin nahi izan diegu lerro hauetan.
Bartzelonaren ostean Xabier Maeztuk eta Luisek Maig di Grasen aurkeztu zuten Sakakeenyrena, Borrianan (València). Eta, itzuleran, elkarrizketa egin zuten Laura Puyrekin DIARIO DE NAVARRAn. Ostegunarekin Sanduzelaiko Ibaiertzean jaialdian ibili ziren handik hona. Aurkezpena entzuteko hurrengo aukera? Bada Iruñeko Liburu Azokan 27an 12:30ean, Gaztelu Plazan.
Susa, Igela, Txalaparta eta Elkarreko editoreen ostean, asteon Xabier Eizagirre (Jakin irakurgaiak) eta Lorea Agirre (Eskafandra) izan genituen geurekin edizioari buruzko gogoetak partekatzen. Nerea Fillatek ere solastu zuen haiek. Osorik entzun dezakezu, jada, ETZI.PM atarian. Hala, eta aurreko astean bezala, Patxi Gaztelumendik gertatutakoaren kronika egin zuen GARAn.
Juan Etxenikek LOS NÁUFRAGOS DEL BATAVIA (Acantilado 2011) klasikoa iruzkindu digu.
![](https://katakrak.net/sites/default/files/styles/blog_home/public/33886589853_a9d3ca33cd_o_0.jpg?itok=1laXmsl7)
Ideia mordoa eta intentsitate handiz entzun genituen Edizioa etzi jardunaldietan, saio hura osorik entzun dezakezu Etzi.pm atarian. Patxi Gaztelumendik GARAn jaso zuen pasio hori guztia. Baita Naiara Elolak BERRIAn ere.
Horrez gain June Sanmillan jardunaldiei buruz aritu zen Eguzki Irratiko Labirinto laboralan baita Iflandian ere (Arrotxapeako Gaztetxeaz ere jardun zuen). Juan Kruz Lakastarekin izan zen Hedoi Etxarte.
Astelehenean Lorea Agirre, Esteban Antxustegi, Jule Goikoetxea eta Xabier Eizagirreren txanda izango da.
Iker Alvarezek Dylan Thomasen Munduko poesia kaiera aurkeztu zigun.
Jada egin ditugu Bartzelonako eta Borrianako (Valentzia) SIGUE ADELANTE nobedadearen aurkezpenak.
Eduardo Irujok LA FAMILIA DEL DR. LEHMAN (Limbo Errante 2017) liburuaz jardun zuen Info Zazpin.
Juan Etxenikek EL SUEÑO DE EICHMANN antzezlanaren erreseina egin zuen.
![](https://katakrak.net/sites/default/files/styles/blog_home/public/edizioa_etzi_berria_argazkia_0.jpg?itok=qsPXiQ0W)
«Egunean bi zuku natural hartuz gero, urtean bost kilo lodituko zinateke», hara, Maitane Unzuk Euskalerria irratian hilean behin egin ohi duen kolaborazioan kontatu zuena SE ME HACE BOLA liburuaren aitzakian.
Juan Etxenikek ere bixitatu zuen Donibaneko Irrintzi dorrea eta Grezian Aste Santuan jan ohi dutenari buruz jardun zuen.
Datorren asteartean euskarazko edizioari buruzko jardunaldiak antolatu ditugu liburu dendako bigarren solairuan. Autoreen eta saltzaileen artekoa da editoreen lana eta lan horretan jarduten duten lagunei galderak egingo dizkiegu. Tokia gordetzea nahi baduzu idatziguzu agenda@katakrak.net helbidera.
9an narratibaz jardungo dugu eta Gorka Arrese (Susa), Xabier Mendiguren (Elkar), Xabier Olarra (Igela) eta Mikel Soto (Txalaparta) izango ditugu. 15ean saiakeraz Lorea Agirre (Eskafandra), Esteban Antxustegi (Limes-EHU), Xabier Eizagirre (Jakin), Jule Goikoetxea (Lisipe).
Asteazkenean Etxauzia Nafartarren Etxea aurkeztu behar zuten gurean. Baina Mixel Bergouignan «bakearen artisaua» zendu eta bertan behera geratu zen ekitaldia. Ekainak 14an egingo dute, beraz, Baigorriko gazteluaren inguruko proiektuaren aurkezpena.
José Luis Díazek EL ROBO DE LA CATEDRAL (Pamiela 2017) aurkeztu zigun.
Eduarde Artetak EL LIBRO MÁS PELIGROSO: JAMES JOYCE Y LA BATALLA POR ULISES (Es Pop 2017) gomendatu digu.
Luis Soldevilak Nafarroako Dantza jaialdiari buruz hitz egin zuen Radio Euskadin. Jaialdiak lau ekitaldi izango ditu Katakraken, horietako hiru ANARCHY espektakuluaren hiru saio izango dira.
Kalilu Jammehek EL VIAJE DE KALILU (Plataforma 2011) liburua aurkeztu zigun, SOS Arrazakeriak lagunduta.
![](https://katakrak.net/sites/default/files/styles/blog_home/public/edaten__0.jpg?itok=cLdpwLbD)