Audioak + Irakurle taldeak + Pedro Oliver
2015/11/23
Duela aste batzuk aurreratu genizuen eta ia egunero ari gara Katakrakeko aurkezpenak eta hitzaldiak. Hemen entzun dezakezu Laurent Bonelli Frantziako adituak gazteleraz eskaini zuen hitzaldia egunotan Parisen gertatu denari buruz. Lohitzune Zuloagaren liburu aurkezpena ere igo dugu (segurtasunaren lilurari buruzkoa). Fonoteka txiki bat ari gara sortzen, gutxinaka gutxinaka.
Batu dugun edukiaren artean aurki dezakezu, espreski itzuli dugun Judith Butlerren idazkia Parisko atentatuen ostean.
3 irakurle taldeen saioak
Asteartean 19:30ean Eric Toussainten txosten bat aztertuko dugu zor publikoaren bilakaerari buruz Ekonomia kritikoa taldean.
Ostegunea 20:30ean Miguel Gallardo eta Maria Gallardoren «Maria eta biok» aztertuko dute Komikiak (eta euskara) for dummies irakurle taldean.
Ostiralean 20etan John Steinbecken «Saguak eta gizonak» landuko dute Irakurle taldean.
Datorren astelehenean: Pedro Oliver
Jaieguna da Iruñean datorren astelehena. Itxita egongo gara, noski, salbuespen batekin. Pedro Oliver izango da gurean «Protesta democrática y democracia antiprotesta» liburua aurkezten Zigorraren aurkako jardunaldien baitan. Beraz, kantinako ateak 18:45ean zabalduko ditugu, ekitaldia hasi baino pixka bat lehenago eta amaitutakoan itxiko dugu. Hiriko gainontzeko liburu-dendek bezala itxita izango dugu denda, halere Oliverren liburua eskuratu ahalko duzu.
Asteazkenean ekoafaria, ostegunean ardo dastatzea
Hilabete honetako ekoafariko gonbidatua Urniza kolektiboa izango da. Erroko bailaran bizi den talde bat. Komunitatean elkarbizitzen eta elikagai ekologikoak ekoizten dute. Barne kontsumorako eta salmentarako. 15€ren truke afari goxo bat. Eman izena kantina@katakrak.net helbidean edota 948 225520ra deituta.
Ostegunean 20:30ean Bagordi Upatiegietakoak etorriko dira Andosillatik. Ardo ekologikoa ekoizten hasi berri dira. Zizka mizkekin egingo dugu dastatzea 8€ren truke, eman izena ardotegia@katakrak.net helbidean edo deitu geure telefonora.
Dokumentala eta mahai-ingurua Zilbetiri buruz
Larunbatean 18etan, dantzen eta erlijioaren kafe-solasaldiaren ostean, LUR dokumentala ikusiko dugu (40 minutu), Mercedes Mangranék zuzendutako lana.
Ostean Sustrai Erakuntzako, AHT geldituko, 3 Mugak Baterako, Bardenas ya!ko, Fracking ez!eko eta Montealduide Koordinadorako kideekin solasaldia egongo da, Juan del Barrio moderatzaile.
2 erreseina
Liburu iruzkinak egiten jarraitzen dugu. Asteon INMUNIDAD liburuaren txanda izan da. Eula Bissek txertoen inguruan idatzitako gaia. Kezka soziala badago, gaia sakon aztertzen hastea interesgarria izan daiteke.
Era berean, Almudena Monteroren azken eleberria iruzkindu dugu NO HAY SITIO PARA EL MIEDO.
Harremana duten ekitaldiak
Libros recomendados:
