Gregorio Morán + Zigorraren kontrako bigarren jardunaldiak

2015/11/02

Amaitu dira irakurle taldeen bigarren jardunaldiak. Ezin izan bazenuen lehenengo saiora etorri, egon lasai, irakurri hurrengo aleak eta anima zaitez, talde anitzak eta interesgarriak eratzen ari dira.
Ostiralean Prestazio Altuen Trenaren aurka egindako ekintzetan isuna jaso duten tartalarientzako elkartasun afaria izan genuen. Ekarpen ekonomiko polita jaso genuen.
Larunbatean Euskal Herriko zazpi ixkinetako friki maitagarriak etorri ziren Euskal Harriaren ABDa ikustera: azaroak 14an ikus dezakezu Txantreako Biltokin beldurrezko, fantasiazko eta zientzia-fikziozko 26 labur.
Gogoan izan aste honetan hasiko dela Gerra totalaren garaiko iraultzei buruzko ikastaroa eta oraindik badirela izena emateko tokiak. Hemen dituzu ekitaldi guztiak.

Gregorio Moranen liburu aurkezpena

Asteazkenean 19etan Gregorio Moranek bere azken liburua aurkeztuko digu.

Zigorraren kulturaren aurkako bigarren jardunaldiak

2013ko abenduan zabaldu eta hilabete gutxira egin genituen zigorraren kulturaren kontrako lehenengo jardunaldiak Nafarroako Salhaketarekin batera. Datorren astelehenetik aurrera bigarren edizioari ekingo diogu. Mahai-inguruak, hitzaldiak, liburu aurkezpenak kartzelari eta zigorraren kulturari kritika egiteko. Begira itzazu jardunaldien hitzordu guztiak hemen.
Anima zaitez gogoetara!

Asteko liburu iruzkina

Sarean daukazu asteko liburu iruzkina Juan Etxenike "Xare"k idatzia. Gai klasikoa jorratzen du, berriki Federico Engels Fundazioak itzuli duen Concepción materialista de la cuestión judía liburutik.