Iraultzen inguruko ikastaroa + Irakurle taldeak + Elkartasun afaria
2015/10/26
Think tank txiki bat da Katakrakeko sukaldea. Horren erakusgarri asteon zabaltzen dugun Sukalde kontuak blog berria, Luis Soldevilaren azalpen eta gogoetekin. Norenak dira lehengaiak, nola sukaldatzen ditugu, zergatik horrela eta ez beste modu batera? Egin bixita hemen
Iraultzak gerra garaian: ikastaroa datorren astetik aurrera
Zer egin? Gerra ala bakea? Nolako erakundeak eraiki? Hauexek dira XX. Mende hasierako Europa aztoratuan milaka gizon emakumek plazaraturiko galderak, eta horietatik abiaturik hainbat prozesu iraultzaile jarri zuten martxan. Ikastaro honetan prozesu horiek dinamika partehartzaile batekin aztertuko ditugu, errealitate lokalak dinamika globaletan txertatuz, eta galdera horiek gaurko mugimendu erailtzaileetan planteatzen direnekin harremanetan jarriz.
Hemen begira ditzakezu bost hitzorduak. Izena emateko idatzi ikastaroak@katakrak.net helbidera edo deitu gaitzazu.
Ekonomia kritikoa + Komikiak for dummies + Irakurle taldea
Hileko azken astea eta joan den ostiraleko La casa rojaren hitzorduaren ostean datoz irakurle taldeen aurtengo lehenengo saioak.
Asteartean Ekonomia kritikoan Graeberren testu bat landuko dute zorrari buruz; ostegunean Komikiak (eta euskara) for dummies taldean Javier de Isusiren Baleak ikusi ditut izango dute mintzagai; ostiralean Irakurle taldean tertulia Dovlatoven Maletari buruz izango da.
Elkartasun afaria + Ekoafaria + Sagardo dastaketa
Asteazkenean 20:30ean hasiko da aurtengo lehenengo ekoafaria. Egongo dira gurekin Karrakela (Kooperatiba Integrala da, ekoizle txikiek osatua), Josu (garaiko gaztainekin), Andoni (Uharteko eskarolekin), Juanjo (Goizuetako txekorrarekin), Nino (garaiko frituekin). Izena emateko idatzi kantina@katakrak.net helbidera.
Ostegunean 20:30ean ardotegian sagardoa dastatuko dugu. Eman izena ardotegia@katakrak.net helbidean.
Ostiralean AHTaren kontrako ekintzetan parte hartu eta isunak jaso dituzten tartalariekin elkartasunezko afaria egingo dugu. Bildutako dirua haientzat!
Sanchez-Ostiz asteartean
El botín da Miguel Sanchez-Ostizen azken eleberria, El escarmientoren bigarren atal moduko bat. Asteartean 19etan izango dugu gurean berbetan.
Harremana duten ekitaldiak
Libros recomendados:
![](https://katakrak.net/sites/default/files/portadas/9788416420421.jpeg%3B%20charset%3DUTF-8)
![](https://katakrak.net/sites/default/files/portadas/9788446042440.jpeg)
![](https://katakrak.net/sites/default/files/portadas/9788446042570.jpeg)
![](https://katakrak.net/sites/default/files/portadas/9788415685371.jpeg%3B%20charset%3DUTF-8)
![](https://katakrak.net/sites/default/files/portadas/9788494353147.jpeg)
![](https://katakrak.net/sites/default/files/portadas/9788498921731.jpeg)