Korrika + Irakurle taldeak &Askoz gehiago

2015/03/23

Miren Peñaren suizidioarekin hasi da udaberria. Faureciak kaleratu zuen, aurrezki kutxak etxegabetze bidean jarri zuen. Gertu eta urrun lehertzen den egiturazko indarkeria, Borroka klubari arrazoia eman eta kentzen diona bagarelako geure lana, bagarelako geure kontu korrontea, bagarelako daukagun kotxea, badugulako geure txanpon zorroak daukana, bagarelako geure prakak, munduaren gorotz kantaria eta dantzaria garelako.

Garen horrekin guztiarekin joango gara asteazkenean Korrikaren 1587. kilomentrora ere: Viana-Mendabiara. Katakrak Liburuakek 80 km/ orduko baino motelago ibiltzeko gomendioa egiten duen panel batean dauka kilometroa. Ez gara hain azkar joanen. Bertaratzeko 21:00etan gelditu gara kale Nagusian, animatzen bazara esaguzu garraioa koordinatzeko. Mozorrotuta bazatuz are hobeki.

Joan den astean La Casa Roja taldean Szymborskaren txanda izan zen. Solasaldi interesgarria, pasiozko bi ordu poesiaren, itzulpenaren, edukiaren eta itxuraren inguruan solasteko. Almudena Vidorretaren txanda izango da hurrengoan, apirilaren hondarretan.

Aste hau indartsu hasiko da Sánchez-Ostizekin eta indartsu bukatu 3 irakurle taldeekin.

3 irakurle talde: Komikia, Irakurle Taldea, Ekonomia Kritikoa

Lehenengo saioaren arrakastaren ostean Zimurrak liburua irakurriko dute Euskara (eta komikiak) for dummies taldean. Paco Rocak idatzi eta Astiberrik 2014an argitaratu zuen Bego Montorioren itzulpenarekin zahartzaroa ardatz duen lana.

Ostiralean Irakurle Taldean Ia denaren historia labur bati buruz solastuko dira. Bill Brysonek idatzi eta Elhuyarrek euskaraz argitaratua zientzia dibulgazioaren liburu ezagunenetakoa da.

Larunbatean Ekonomia Kritikoa taldean Pikettyren azken liburuko hitzaurrea eta Ekonomia gaur pasarteari buruz jardungo dugu.

Gogoan izan taldeotara nahai duzunean bertara zaitezkela. Ez duzu inon izenik eman behar, liburuak irakurtzea da baldintza bakarra, eta solasteko gogoz etortzea, noski.

Sánchez-Ostizek bere azken liburua aurkeztuko du

Astelehenean 19:00etan Sánchez-Ostizek A trancas y barrancas (Pamiela 2015) aurkeztuko du Ignazio Aiestaran filosofoarekin batera.

Korrikako 1587 kma

Anima zaitez eta zatoz asteazkenean 21etan Katakrakera. Kotxez eta furgonetaz joanen gara 1587. kilometrora, Viana eta Mendabia artean dagoen 80km/ orduko panel batean hasiko gara tipi tapa tipi tapa.

Gogoan izan kilometroa finantzatu eta AEK laguntzeko pare bat pote daudela kantinan.

Biurko upategien ardo dastatzea

Ostegunean 19:30ean hileroko ardo dastatzea izango du Bargotako Biurko upategietako Ramonekin. Gogoan izan ardotegia@katakrak.net-en edo 948 225520an zeure plaza gordetzea.