Silvia Federici, Raquel Gutierrez eta Sorgin-ehizari buruzko III. topaketa feminista!
2024/05/22
2010ean eta 2012an La Hormiga Atómica liburuakera bixita egin zigunetik, guretzako beti da Silvia Federici ikusten dugun azken aldia. Eztabaidatu dugu berarekin zorrari buruz, sorgin-ehizaz, sorgin izatea akusatu zituzten emakumeez: Katakraken irekiera izan zen Quilombo unibertsala jaira ere etorri zen 2014an. Harekin hazi gara, bete ez zen Caldereria karrikako areto hartatik, 700 lagun bertaratu ziren sorgin-ehizari buruzko aurreneko topaketako Gurutze Plazako institutuetaraino. Entzun dugu, eztabaidatu antolakuntzaz, grebaz, zaintzaz, ekoizpenaz, militantziaz. Beti izan ditu eztabaidagai berriak, beti dago lokatzetan Federici, gai berriak dakartza, Amaia Astobizak euskarara ekarri zion azken Larruazalaren periferiaz haraindi liburuan bezala. Maiatzaren 31an izango da gurekin, Palestinaz, gerraz eta komunitatearen eraikuntzaz hitz egingo du Raquel Gutierrezekin batera, feminismo autonomo garaikidearen beste ezinbesteko egile bat hau ere. Tokia gorde nahi baduzu idatzi liburuak@katakrak.net epostara (gaia: Federici &Gutierrez).
31ko topaketaz gain, ekainaren 1ean gurekin egongo dira Sorgin-ehizari buruzko III. topaketa feministan: etorri nahi baduzu estekan eman beharko duzu izena.
Meg Ostrum: larunbatean eta igandean mendian
Gogoan izan, Meg Ostrumek gurekin segitzen duela eta Otsagabian, Iratin, Mendiben, Garazin eta Orbaitzetan barna ibiliko dela asteburuan.
Irakurgai daukazu Iñaki R. Mendozak BERRIAn egin zion elkarrizketa.
Ikusgai daukazu ere Katakraken egin zuen aurkezpena.
«Maitasuna eta dirua, sexua eta heriotza» irratian
Honezkero entzun ditzakezu McKenzie Warken Maitasuna eta dirua, sexua eta heriotza liburuaren argitalpenaz RADIO EUSKADIn eta EUSKADI IRRATIAn jasotakoak.
Harremana duten ekitaldiak
Libros recomendados:
