Zigorraren kultura + Dantzari buruzko solasaldia + Zaharrekin hizketan
2015/11/09
Joan den asteazkenean bi handi izan genituen ustekabean: Gregorio Morán eta Miguel Sánchez-Ostiz. Bidaia liburuei buruz hitz egin zuten, abaguneari buruz, literaturaz funtsean. Hemen entzun dezakezu izan zuten solasaldia. Gainera, audio ezberdinak batzen hasi gara webgunean: esaterako Radio Euskadiko Iflandia saioan Luis Soldevilak berriki egin duen kolaborazioa entzun dezakezu; edota Euskalerria Irratian Xabier Maeztuk euskal pastela nola egin aurkeztu zuen; edota Fernando Mendiolak Sin piedad liburuari egin zion sarrera joan den astean.
M. José Gea Fernández «Una condena compartida»
Asteazkenean 19etan etorriko da Maria Jose Gea Fernandez Zelatatu eta zigortu zigorraren kulturaren kontrako jardunaldien baitan bere azken liburua aurkeztera. Kartzeletan dauden emakumeek duten errealitatea landu du, ikusezinak diren haurrei buruz, hain justu.
Emilio Gancedo «Palabras mayores»
Ostiralean 19etan etorriko da Emilio Gancedo gurera Pepitas de Calabaza argitaletxearen eskutik.
6 hilabetez ibili zen Emilio Gancedo Espainiako herriz herri. Bere bidean nekazal lurralde asko bixitatu zituen eta zaharrenen hitzak jaso zituen. Esperientzia eta jakintza horiek erabilgarriak izan daitezke gaur egun.
Asteko gogoeta: Gumbo
Hemen irakur dezakezu Sukalde kontuak blogean Luis Soldevilak asteon idatzi duen gogoeta.
Dantzari buruzko kafe-solasaldiak
Nafarroako Dantzarien biltzarrak antolatuta larunbat honetan 16:30an hasiko dira dantzari buruzko kafe solasaldiak. Lehenengoa musika grabatua erabili edo zuzenean musikariak izateari buruz.
Harremana duten ekitaldiak
Libros recomendados:
