Kontakizun oniriko horretako testua errimatua da zenbaitetan, eta jostaketa eta alaitasuna kutsatzen ditu. Protagonistak haur bat eta Oliver Hardyren itxura duten hiru gozogile dira. Ilustrazioak, berriz, Winsor McCay-ren Little Nemo in Slumberland delakoari egindako omenaldia dira. Sendak-ek egile horren eragina aitortu zuen: “Marrazten dugunean, ez dugu egiten haurtzaroko oroitzapen literalaren gainean, baizik eta emozio-oroitzapenaren gainean, berarekin dakartzan tentsio eta premia barne.
Gutariko inork ez ditu ahaztu bere haurtzaroko ametsak”.
Jaso zituen sari kopuru handiagatik, laster erreferentziako lan bihurtu zen. Hala ere, estatubatuar gizarteko sektore kontserbatzaile batek zentsuratu zuen herri- eta eskola-liburutegietan, protagonista biluzik erakusten dituzten orrialdeak eskandalugarritzat jotzen baitzituzten.