Bere ezkutukoak kontatu eta handik laster, Roger Ackroyd sastadaz hilda aurkitzen dute. Eta zorioneko gutuna desagertua da. Agatha Christieren eleberri honek 1926an agertu bezain laster eman zion ospea nazioartean, inor gutxik bezala erakutsi baitzuen zeinen trebea zen kontakizunaren bilbea osatu eta enigma azken uneraino argitu gabe edukitzeko. Eta horrekin batera, noski, beste inon baino nabariago gelditu baitzen Hercule Poirot detektibe belgikar axeriaren zorroztasuna.