25,00 €
BEZa barne
Eskuragarri 4-5 egunetan
Joxinixio, Pizkunde zapuztua
Eta XX. mendeko bertsolaritza Andoainen
| ISBN | 9788494564116 |
|---|---|
| Orriak | 690 |
| Urtea | 2016 |
| Argitaletxea | Manuel Larramendi Kultur Bazkuna |
| Saila | Música / Contracultura |
Liburuaren bigarren zatiak biografia aztertzen du. Lasa Bergararen hitzetan "euskaltzaletasunaren eta abertzaletasunaren zerbitzura jarri zuen bere bertso jarduna". ELA sindikatuaren, ENB baserritarren sindikatuaren edota EAJren mitinetan abesten zuen eta Euskal Herriko bertsolarien txapelketa nagusiko finalean ere kantatu zuen, Txirritak irabazi zuen hartan. Lasa Bergararen hitzetan, "Txirritaren tradizio edo itzala jaso zuen alde batetik, eta bertsoa sagardotegietatik atera eta antzokietara eraman zuen Basarriren modernoagoa bestetik". Errepublika garaian Etxeberriak idatzitako bertsoak aurkitu zituen Lasak El Día egunkarian eta ARGIAn....
Gudari gisa ere nabarmendu zen, sen berezia omen zuen estrategia militarrean eta zelatari edo "espia" aritu zen Bizkaiko frontean: bere etsaien aldera gauez inkurtsioak egiten zituen, karlista edo falangista jantzita. Jose Antonio Agirre lehendakariaren konfiantzazkoa zen.
Lasa Bergarak aitortu duenez, "pertsonaje zeharo nobeleskoa iruditu zitzaidan. Hil ere oso modu tragikoan hil zen". Artxandako lubakietan hil zuten frankistek Bilboren aurkako ofentsiba handian, metrailadorea eskutan eta euskal aberriaren aldeko oihuak eginez. Bere auzo bereko (Goiburu) karlista ezagun batek baionetaz hil zuela zabaldu zen.
