Pauso bat aurrera, bi metroko distantzia
2020/04/29
Irudi luke hasi dela mugimendua. Asteon, eskularruak eta maskara jantzita hasi gara liburu paketeak egin eta bidaltzen. Iragarriko dizuegu noiz irekiko dugun denda eskariak bertan jasotzeko. Oraingoz online bertsioan erosten jarraitzeko gonbitea egingo dizugu... eta, nahi izatera aurresalmenta bonuak egin ditzakezu. Gure suak noiz piztu zain gaude, hasteko irrikitan... Maiatzaren lehenaren ostean has dadila argitzen 2008tik bigarrenez iluntzen den gaua.
Liburuaren egunean han eta hemen agertu ginen. Xabier Maeztuk ¡Jugad, jugad, malditos! gomendatu zuen, Nerea Fillatek DIARIO DE NOTICIASen mundua aldatzeko zenbait liburu eta gure ekimen txikiez jardun genuen EL PAÍSen ere.
6 liburu gehiago deskargan
Liburuaren egunean eskura jarri genituen sei liburuek oso harrera ona izan dute. Unea profitatuz lizentzia libreetan dauden beste liburu batzuk eskura jarri ditugu.
Hasteko Silvia Federiciri argitaratu dizkiogun hiru liburuak dauzkazu, hirurak Amaia Astobizak itzuliak: SOLDATAREN PATRIARKATUA, MUNDUA BERRIZ LILURATUZ (Peter Linebaugh-en hitzaurrearekin) eta KAPITALISMOA ETA EMAKUMEEN AURKAKO INDARKERIA. Gazteleraz hirietako gatazkei buruzko hiru dauzkazu eskura: AIRBNB. LA CIUDAD UBERIZADA Ian Brossatena, LAS BATALLAS DE LA BICI James Longhurstena eta LA NUEVA CUESTIÓN URBANA Andy Merrifieldena.
«Sofia Petrovna» Civican-en
Behin baino gehiagotan egon da guk argitaratutako libururen bat irakurle talderen batean. Oro har ez ditugu iragartzen halakoak, baina egoera berri honetan, eta tokia dagoenez, gonbidatu nahi zaitugu Angel Errok maiatzaren 13an gidatuko dueneara,¡ Lidia Txukovskaiaren Sofia Petrovna (Katakrak 2019). Gogoa baduzu idatzi bibliotecacivican@fundacioncajanavarra.es helbidera argibide eske.
«La nueva cuestión urbana» GARAn
Miren Artetxek LA NUEVA CUESTIÓN URBANA (Katakrak 2019) gomendatu zuen GARAn.
Harremana duten ekitaldiak
Libros recomendados:
