«Izuaren osteko gogoeta» jada liburu-dendetan

08/06/2019-an argitaratua

Asteon iritsi da liburu dendetara eta asteon aurkeztu dugu prentsaurrean Susan Buck-Morssen IZUAREN OSTEKO GOGOETA (Katakrak 2019). Liburuak mendebaldeko pentsalariek azken hamarkadotan beren mugetatik kanpora pentsatzeko izan dituzten mugak aztertzen ditu. Eta Ezkerrean eta islamean neoliberalismoaren eta kolonialismoaren kontrako kritika aurkitzen duten pertsonen erronka komunak zeintzuk izan daitezkeen ulertzen ahalegintzen da. 2001eko irailak 11ren ostean hasi zen idazten Susan Buck-Morss.
Pello Agirre izan du itzultzaile liburuak eta bere gogoetak agertu ziren HAMAIKA TELEBISTAko asteazkeneko albistegietan, Amalur Artolak GARAn jaso zituen eta Nerea Azurmendik DIARIO VASCOn.

Eneko Ander Romero reseña «Clase y diversidad» en EL SALTO

Eneko Ander Romerok EL SALTO aldizkariaren POLIRIKA blogean iruzkina egin dio Sandro Mezzadra eta Mario Neumann-en CLASE Y DIVERSIDAD (Katakrak 2019) liburuari.

Pamela Palenciano maitasunaz

Amaitu da maitasunari buruzko ikastaroa, azkenaurreko saioan Pamela Palenciano izan genuen, eta entzun dezakezu audioa jada.

«Sofia Petrovna» DIARIO DE NAVARRAn

Duela hilabete luze egin zion Ion Stegmeier-ek erreportaia SOFIA PETROVNA (Katakrak 2019) eleberriari DIARIO DE NAVARRAn. Eleberri labur eta gogorra gomendatzen dizugu.

«El prejuicio psiquiátrico» EL SALTOn

Guillermo Verak erreportaia egin zion duela hilabete batzuk EL SALTOn EL PREJUICIO PSIQUIÁTRICO (Katakrak 2018) saiakerari, berriki sareratu dugu itzultzailearekin izan zuen pasarte hura.

«Pepe Buenaventura Durruti»: Juanarete, Carlos Azagra eta Encarna Revuelta

Duela pare bat aste aurkezpen ederra izan genuen: Pepe Buenaventura Durruti (GP Ediciones 2019) irudi eleberriarena, bere hiru egileekin.

Germán Esparza DIARIO DE NAVARRAn

Joan den igandean elkarrizketa egin zioten gure kide German Esparzari DIARIO DE NAVARRAn, liburuez eta liburu-dendez jardun zuen bereziki.