Gure historia da etorkizuna

Standing Rock vs Dakota Access oliobidea, eta indigenen erresistentziaren tradizio luzea

Gure historia da etorkizuna

Standing Rock vs Dakota Access oliobidea, eta indigenen erresistentziaren tradizio luzea

«Eskerrak Emateko Eguna: horra hor kolonoen nazioak bere buruari kontatzen dion sorrera-istorio arketipikoa. Istorio horren arabera, natiboek eta kolonoek, indioilarra eta batata erreak janez, ‘bakea’ erdietsi zuten Massachusetts estatuko Plymouth hirian, non, 1620an, kolonia bat ezarri baitzuten Mayflower itsasontzian iritsi ziren erromesek. 1637an, ostera, pekuota herriko 700 bat lagunen sarraski zentzugabea burutzeko, zera esan zuen Massachusetts Badiako Koloniako gobernari William Bradford-ek: Eskerrak Emateko Eguna ospatu beharra zela ‘garaipen odoltsuaren omenez, eta Jainkoari eskerrak emanez borrokan gailentzeagatik’. Bakea, lapurtutako lurretan, genozidioz blai dago.»
Nick Estes, Gure historia da etorkizuna

Zazpi komunitatek osatzen dute Oceti Sakowin. Herri bat, hizkuntza bat eta munduaren ikuskera bat partekatzen duen herria, Pte Oyate (Bufaloaren herria). Gizon zuria Ipar Amerikara iritsi zenetik, herri hau desegin eta desagerraraztea helburu izan duten arren, bizirik dirau. Liburu hau belaunaldiz belaunaldi bizitako bidegabekeria, eragindako mina eta duintasun miresgarriarekin aurrera eramandako erresistentziaren kontakizuna da.
Garbiñe Elizegi Narbarte, hitzaurrean

Hedabideetan

«Zazpi komunitatek osatzen duten Oceti Sakowin herriko jende indigena da protagonista, Missouri ibaiaren ondoan bizi dena. 2016a da; energia konpainia handi batek han zulaketak egiteko asmoa agertu du, eta ura arriskuan jarri du hala.»

Itziar Ugarte Irizar, BERRIA

«Kul Wicasa Oyate- Lower Brule Sioux tribuko kide da Nick Estes, Oceti Sakowin siux nazio handikoa. 2014an The Red Nation erresistentzia-mugimendu indigenaren sortzaileetako bat izan zen, eta irakasle-laguntzaile dihardu Mexiko Berriko Unibertsitateko amerikar ikasketen departamentuan.»

Nerea Azurmendi, DIARIO VASCO

«Zazpigarren belaunaldiaren profeziak argi adierazten du: europarrekin lehenengo kontaktua izan ondorengo zazpigarren belaunaldia izango da jatorrizko herrien kultura, hizkuntza eta bizimodua berreskuratuko duena. Ipar Amerikako indiarrek salatu izan dutek sarraskiek ez dute izan alabaina oihartzun handirik munduan.»

Ion Stegmeier, DIARIO DE NAVARRA

«Katakrak argitaletxeak euskarara ekarri du ‘Gure historia da etorkizuna’, Nick Estes historialari, irakasle eta mugimendu indigenetako aktibistaren lan arrakastatsua. Kronika eta historia baliatuko ditu indigenen erresistentziak eta kolonizazio prozesuak aletzeko.»

Oihane Larretxea, GARA

Aurkezpenaren bideoa.

Danele Sarriugarte, Durangoko azoka

Nerea Fillatekin solasean.

Patxi Gaztelumendi, 97 IRRATIA

Datu teknikoak

ISBN 978-84-16946-52-5
Hizkuntza Euskera
Orriak 314
Tamaina 140 x 210
Azalak Rústica con solapas
Prezioa 25.00€

Nick Estes

Chamberlain

Lower Brule Sioux tribuko kidea da. Irakasle-laguntzaile dihardu Mexiko Berriko Unibertsitateko amerikar ikasketen departamentuan. 2014an, The Red Nation erresistentzia-mugimendu indigena antolatu zuen, beste militante natibo eta ez-natibo batzuekin batera, indigenen askapena marxismotik, queer-mugimendutik eta feminismotik jorratzeko. Standing Rockeko #NoDAPL erresistentzia-mugimenduko kidea izan zen, eta Ameriketako historiaren ikerketa-lanak zuzendu ditu Harvard Unibertsitatean. Hau da euskarara ekarritako haren estreinako lana.

Gehiago irakurri [+]