Joan den asteazkenean Anariren diskoaren aurre estreinaldia izan genuen. Entxuferik gabeko ekitaldi eder bat, hunkigarria eta bere azken lanean sakontzeko aukera polit bat. 5 abesti jo zizkigun bere azken diskotik Zure aurrekari penalak. Ordutik, primizian eros dezakezu Iruñerrian.
Horrez gain Sesmako garagardo artisauen lantegian egon ginen Sesma Brewingen. Albertok harrera beroa egin zigun. Ordutik hiru garagardo gehiago dasta ditzakezu kantinan: Petra Ipa, Citric explosion eta Chocolate Hop Cake.
Astea indartsu dator, argitalpenei buruzko 5 topaketa: Irungo musikatik, 1978 orteko Espainiako Erresumako erregimen politikora, patriarkatutik kontzientzia eragozpenera. Eztabaidak ere eskura.
11/05/2015
Cuerpo:
,
,
,
Astelehenean 19etan María Galindok ¡A despatriarcar! aurkeztuko digu.
Ostegunean 19etan Rosa Triviñok idatzitako El peso de la concienciaren inguruan eztabaidatuko dute Koldo Martínez Urionabarrenetxea (medikua eta bioetikan aditua), Elisa Sesma (Osasunbideako ginekologoa) eta Txetxu Ausín (CSIC-eko Filosofia Institutuko zientzilari titularra).
Ostiralean 19etan Madrildik etorriko zaitu Emmanuel Rodriguez 1978 osteko Espainiako Erreinuko demokraziaren mugei buruz hitz egitera.
Larunbatean 12etan Irundik Juanma Sarasola kazetaria etorriko zaigu Irungo Mosku auzoko musika mugidari buruz idatzi duen dokumentu landuari buruz jarduteko.
Subtitulo:
Liburu aurkezpen mordoa
Seccion:
Irakurle taldea
Asteazkenean 19etan izango da Nafarroako Hitzak, Euskalerria irratiak eta Berriak antolatutako eztabaida zikloaren azken saioa. Juan Kruz Lakastak gidatuta EH Bilduk, Geroa Baik, Ezkerrak eta Ahal Duguk parte hartuko dute.
Subtitulo:
Eztabaida: aldaketa eraikitzen
Seccion:
Actos
Asteartean 19etan Pikara Magazine webgune eta aldizkariko kideek heroi emakumeei buruzko solasaldia eskainiko digute. Gaia zinemak nola landu duen ere aurkeztuko du Maria Castejonek.
Subtitulo:
Pikara Magazine: Heroiak
Seccion:
Asteko ekitaldiak
Imagen:
03/05/2015
Cuerpo:
,
,
,
,
,
Joan zaigu apirila, hilerik krudelena, eta berarekin Maiatzaren lehena: euripean bizikletan, aulki gurpildunean edo oinez. Ion Arretxe etorri zitzaigun Aitor Merinorekin joan den astean, ez zen jende asko etorri, baina ekitaldi borobila izan zen, eta gomendatzen dizugu Intxaurrondo gaia lantzeko duen moduarengatik. NUPeko irakasle Humberto Bustince ere etorri zen, egungo jakingurak eta akademiako jakintza berezituak batu zituen. Marka izan zen, 60 lagundik gora Big Datari buruzko solasaldian, afera orokorretan hasi zen baina amaiera aldera zehatz ibili zen. Egun berean ardandegian Azul y Garanza upategiaren txanda izan zen, nekazaritzaren eta geure dastamenaren mugak zabaldu zituzten.
Aste honek denetarik izango du. Liburu aurkezpen batekin hasiko gara eta beste batekin amaitu. Eta tartean hauteskunde aurreko eztabaida bat, Anariren disko aurkezpen eta kantalditxoa, Saharako haurrei buruzko hitzaldi bat, liburu aurkezpen eta hitzaldi gehiago.
Asteazkenean 19etan Zure aurrekari penalak da Anariren disko berria, BideHutsek argitaratua. Maiatzak 7an aurkeztuko dio prentsari, baina egun bat lehenago egongo da Iruñean. Ordu erdiko solasaldia eskainiko du, elkarrizketa formatuan. Gero 5 kanta joko dizkigu eta besapean ekarriko du diskoa gainera, inon baino lehenago eskuratu ahalko duzu nahi izatera.
Subtitulo:
Anariren disko aurkezpena eta 5 kanta
Seccion:
Asteko ekitaldiak
Astelehenean 19etan Zizurren egindako material eder honen aurkezpena izango da. Iñaki Redin "Popi" etorriko zaigu: historia, zientzia eta gizarte kezkak irakasteko komikia erabiltzen dute beraien irakaskuntza zentroan. Orain autoedizio batean bildu dute dena eta geurean eta Merced karrikako TBOn eskura ditzakezu soilik. Ez galdu liburuari begirada bat emateko aukera.
Subtitulo:
Comicreando
Seccion:
Irakurle taldea
Larunbatean 19etan María Castejón eta beste zenbait kidek Más fotogramas de género liburua aurkeztuko dute. Liburu hau 2013an argitaratu zuen Fotogramas de género. Representaciones de feminidades y masculinidades en el cine español (1977-1989) haren bigarren atala da.
Subtitulo:
María Castejon, Itziar Ziga, Natalia Ardanaz, Maje Girona, María Molas
Seccion:
Irakurle taldea
Ostiralean 17etan Ibone Olzak pertsonen lehenengo urteetan dauden harreman afektiboak aztertuko ditu. Jaio berriek gurasoekin dituzten harremanak aztertu dituzten ikerketa zientifikoetatik hasita. Erditzeaz hitz egingo du, garapenaren une kritikoei buruz.
Subtitulo:
Ibone Olza
Seccion:
Asteko ekitaldiak
Asteartean 19etan Nafarroako Hitza eta Euskalerria irratiak antolatutako bigarren eztabaida izanen dugu Iñigo Astizek gidatuta. Nafarroa Garaiko kulturaz eta kultura zentroez hitz egingo dute gonbidatuek.
Asteartean 19:30ean bilera gelan asteroko KATAHACKen topaketa izanen da. Informatikazale hauek elkarri laguntza eskaintzen diote, hackeatzeko, tutorialak elkarri emateko eta kontsultak egiteko.
Ostegunean 19etan Saharako haurrei buruzko hitzaldia egongo da.
Ostiralean 19:30ean Lierni Iriartek La pérdida del humano liburua aurkeztuko digu.
Subtitulo:
Eztabaida eta askoz gehiago
Seccion:
Actos
Imagen:
27/04/2015
Cuerpo:
,
,
,
,
Joan den astea mugitua izan zen liburuaren eguna tarteko. Egun eguzkitsua izan zen eta jendeak hautatu zituen liburuekin jendearen kezkak nabarmendu ziren.
Aste hau beterik dator egun bat gutxiago badu ere. Ostiralean atea itxita izango dugu, Arestik bezala: maitatzen dugulako lehen maiatza, delako pertsonen anaiatza. Ostantzean ekitaldi asko eta gainera egunerokotasun gozoa kafe batekin, garagardo artisauarekin, poema liburu batekin edo eguerdiko menu goxoarekin.
Horrez gain, adi egon datorren asteari ere, maiatzak 4an Comicreando aurkeztuko digu Iñaki Redin "Popi"k: hezkuntza proiektu xinple eta sofistikatu bat. Anari ere etorriko zaigu bere azken diskoari buruz solastu eta 5 kanta jotzera prentsari aurkeztu aurretik. Ibone Olzak ere hitzaldia eskainiko du lotura afektiboei buruz.
Baina goazen astiro, apirila ez dugu atzean utzi.
Pero no nos precipitemos, que antes tiene que terminar abril.
Astelehenean 19etan Ion Arretxe eta Aitor Merinok Intxaurrondo eleberria aurkeztuko dute.
Bide batez, kontuan izan astearteko Antonio Palomarren liburu aurkezpena bertan behera geratu dela gaixo dagoelako. Ia etorkizunean egin dezakegun.
Subtitulo:
Liburu aurkezpena: Intxaurrondo
Seccion:
Irakurle taldea
Ostegunean 19etan Humberto Bustince izango dugu gurekin datu digitalen kudeaketa aztertzeko. SMS bat bidaltzen dugunean, geure osasunaren historia begiratzen dutenean osasunetxean, bankuko operazioak egiten ditugunean, txartelarekin ordaintzen dugunean, datu mendiak sortzen ditugu, datu horiei guztiei deitzen zaie Big Data.
Subtitulo:
Humberto Bustince: Big Data
Seccion:
Asteko ekitaldiak
Asteazkenean 21etan Elikadura onerako ekoafaria egingo dugu. Katakrakek lan egiten du produktu ekologiko eta gertukoekin, ekoizle ekologikoekin erlazio zuzenak indartuz eta sareak sortuz. Elikadura subiranotasunaren aldeko apustuak ondokoa bermatu behar du: interes pribatuen gainetik elikadura eta lurrari errespetua bermatzeko eskubideak eta behar kolektiboak daudela. Ongi jatearen bio-topaketak ekimen berria dira, eman izena kantina@katakrak.net helbidean.
Ostegunean 20:30ean, ardandegian Azul y Garanzak dastatzea eskainiko digu. Bardeetatik zuzenean. 8€ko prezioan. Eman izena aurretik ardotegia@katakrak.net helbidean.
Subtitulo:
Elikadura onerako ekoafaria + Dastatzea: Azul y Garanza
Seccion:
vinoteca
Asteazkenean 19etan Nafarroako Hitzak eztabaida antolatu du Nafarroak euskaraz bizi nahi du lemarekin.
Ostegunean 20etan bilera gelan Komikiak (eta euskara) for dummies taldearen hileroko hitzordua izango da. Klasiko baten txanda: Asterix eta Obelix. Album zirraragarri bat, adin guztietarako umorearekine eta ilustrazio mitikoekin.
Subtitulo:
Mahai ingurua + Komikiak for dummies
Seccion:
Actos
Imagen:
20/04/2015
Cuerpo:
,
,
,
,
,
,
Bi idazle garrantzitsuren heriotzak markatu zuen joan den hastearen hasiera. Eta ehundaka afrikar Europara sartzen saiatzen hasi da aste hau. Bigarrenak gogoeta eta eraldaketa ekonomiko sakonak eskatzen ditu. Eta seguru Eduardo Galeanoren eta Günter Grassen lanek horretan lagunduko digutela. Biak izan ziren zorrotzak haien kontagintzan eta posizio publikoetan munduan makal doazen injustizia eta desorekekin.
Liburuaren nazioarteko eguna izango da ostegunean apirilak 23. Urtero bezala goizeko 10etatik 21etara Karlos III.aren eta Orreaga etorbidearen artean egongo den azokan urteko hautaketa onena, nobedadeak eta funtsa izango dugu %10eko deskontuarekin.
Horrez gain ekitaldi sorta izango dugu astero bezala: liburu aurkezpenak, poesia errezitaldia, kontzertua, hauteskunde aurreko giroari lotutako eztabaidak (oinarrizko errentari buruz eta AHTari buruz). Gainera hileroko laugarren ostiral eta larunbatetan bezala Irakurle Taldearen eta Ekonomia Kritikoaren txanda izango da Camillerirekin eta Hollowayrekin.
Gogoan izan ekitaldiok zure inguruko lagunei interesatzen bazaizkie komentatzea.
Asteartean 19etan Andrés Herrerak España y China (1973-2005) liburua aurkeztuko du. Doktoretza tesia egin zuen gai horri buruz Herrerak eta Josep Fontanaren hitzaurrea dakar.
Ostiralean 19:30ean Conchín Fernándezek Querido Noah aurkeztuko du.
Subtitulo:
Liburu aurkezpenak: Andrés Herrera + Conchín Fernández
Seccion:
Irakurle taldea
Astelehenean 19etan Oinarrizko Errenta Unibertsalaren aldeko plataformak mahai ingurua antolatu du. Bertaratuko dira EH Bildu, Equo, Geroa Bai, Izquierda-Ezkerra eta Podemoseko kideak.
Asteazkenean 19etan Iruñea Askatasunezek deituta eskubide zibilen inguruko eztabaida antolatu dute Edurne Egino, Joseba Asirón, Itziar Gómez eta Ana Lizoainekin.
Ostegunean 19etan Sustrai Erakuntzak mahai ingurua deitu du Nafarroak AHTarekin egin behar duenari buruz eztabaidatzeko. EH Bildu, Equo, Geroa Bai, Izquierda-Ezkerra, PP, Podemos eta UPN gonbidatu dituzte.
Subtitulo:
Hauteskunde aurreko eztabaidak
Seccion:
Asteko ekitaldiak
Ostiralean Irakurle Taldearen txanda izango da, Andrea Camilleriren Uraren forma (Igela) izango da hizketarako aitzakia, Montalbano detektibe alprojaren lehenengo abenturen liburua.
Larunbatean Kapitalaren aurka eta haratago liburuaren txanda izango da Ekonomia Kritikoan, ez dira asko ekonomiari buruz euskaraz irakurgai dauden testuak, ihaz itzuli zuten liburu hau.
Subtitulo:
Irakurle Taldea + Ekonomia Kritikoa
Seccion:
Irakurle taldea
Oier Gonzalez (Durango) eta Markel Ormazabal (Donostia) preso ohiek beraien gaztaroko zati garrantzitsu bat igaro dute kartzelan. Olerki saio musikatu honetan, beraien bizitzako etapa horretaz dihardute.Physis versus Nomos banda bakarlariak lagunekin jotzen du orain eta folk psikodeliko elektrikoa egiten dute. Musika lasaia. Hemen entzun ditzakezu doinuak etorri aurretik: http://physisversusnomos.bandcamp.com
Subtitulo:
Kartzelari buruzko errezitaldia
Seccion:
Actos
Beer Kupelak antolatuta honako garagardoen dastaketa: Bidassoa Basque Brewery etxeko Mugalari American Pale Alea, Garagart etxeko Gorritxo Amber Alea, Lau Gar etxeko Kiskale Brown Alea eta Ancora etxeko Pirate Smoke Stouta.
Izena emateko idatzi gargardotegia@katakrak.net helbidera.
Subtitulo:
Garagardo dastaketa
Seccion:
vinoteca
Azken hamarkadetan ekonomian egon den pentsalari garrantzitsuenetakoa da Miren Etxezarreta irakaslea. Pentsioen gaia jorratu du asko eta Bartzelonako Unibertsitate Autonomoko irakaslea da eta Taifa Ekonomia Kritikoko Mintegiko kidea.
Ipar-Hegoa fundazioak antolatutako ekitaldia.
Subtitulo:
Miren Etxezarreta: Kapitalaren erasoa
Seccion:
Actos
Imagen:
13/04/2015
Cuerpo:
,
,
,
,
Aste estrainio baten ostean (irakaskuntzaren munduko lagun askok izan ditu oporrak) egunerokotasuna itzuli da kale Nagusira. Egunotan lagun askoren bisitak izan ditugu, Araba eta Gipuzkoako tuiterlari ezagunak etorri zitzaizkigun, adibidez. Baina urruneko lurretatik ere ardoa ekarri dugu. Terra Altatik Hannibal Smithek ardo beltza eta zuria ekarri zigun Labrunet de Frisach ardo ekologikoa eskuragarri duzu ardandegian.
Apirilak 23a aurki dator, liburuaren eguna, eta apirileko bigarren hamabostaldiko geure agenda indartsu dagoela ikusiko duzu. Nabarmendu nahi dugu asteartean 19etan Ixiar Rozas etorriko dela Oskar Alegriarekin Beltzuria liburu berria aurkeztera. Asteazkean 19etan Eric Toussaint ekonomialariaren txanda izango da, bera da Greziako Gobernuaren eta Europako Batasunaren arteko zorra negoziatzen duenetako bat. Larunbatean Miguel Urbanek eskuin muturra Europan izaten ari den igoerari buruzko liburua aurkeztuko du. Gainera hileroko La Casa Rojaren hitzordua izango da Almudena Vidorretaren Días animales liburuarekin. Horrez gain, datorren asteartean Andrés Herrerak Espainia eta Txinaren arteko azken hamarkadetako harremanak aztertu dituen liburua aurkeztuko du, Josep Fontanaren hitzaurrea dauka. Eta ostiralean Miren Etxezarreta ekonomialari mitikoak kapitalaren oldartzeari buruz hitz egingo du.
2014ko udazkeneko liburu sonatuenetako bat izan da Ixiar Rozasek idatzitako Beltzuria. Asteartean 19etan gurean aurkeztuko du Oskar Alegriaren laguntzarekin.
Subtitulo:
Ixiar Rozas eta Oskar Alegria: Beltzuria
Seccion:
Irakurle taldea
Eric Toussaint mundu mailako erreferente bat da zorrari eta nazioarteko finantza erakundeei buruz. Asteazkenean Patxi Zamora (Kontuz!) eta Igor Arroyo (LAB) izango ditu lagun, Nafarroako zorraren gaia azalduko dute labur.
Ekitaldia Hitz & Hitz fundazioak antolatu du.
Subtitulo:
Eric Toussaint Greziaren eta Europaren zorrari buruz
Seccion:
Asteko ekitaldiak
Larunbatean 19etan Miguel Urbanek Europako eskuin muturrari buruzko liburua argitaratuko du. Lerroburu askotan azaltzen dira Fronte Nazionalak Frantzian izan dituen emaitzak edo PEGIDA mugimenduak Alemanian duen indarra.
Subtitulo:
Miguel Urban Europako eskuin muturrari buruz
Seccion:
Irakurle taldea
Aipatutako guztiaz gain astelehenean 19etan Batzorde Errepublikazaleak bigarren eztabaida antolatu du. Honakoan Espainiako estatuak eta Europako Batasunak duten erakunde krisia izango da gaia. EH Bilduko, Izquierda-Ezkerrako eta Podemos-Ahal duguko kideak azalduko dira.
Ostiralean 17:30ean Eider Pachecok hilekoari, menopausiari, menarkiari eta haurdunaldiari buruz hitz egingo du.
Ostiralean 19etan bilera gelan La Casa Roja taldekoak batuko dira Almudena Vidorretaren liburuari buruz solasteko.
Subtitulo:
Eztabaida errepublikarra + Tienda Roja + Almudena Vidorreta
Seccion:
Actos
Imagen:
30/03/2015
Cuerpo:
,
,
Asteazken gauean izerdi egin genuen Viana eta Mendabia artean, Korrikan. Lekukoak mezu bat zeraman euskararen politikotasuna nabarmentzen zuena, irtenbidea komuna izango dela, eztabaida publikoa izan behar dela. Mezuak testuingurua ematen die hizkuntza eskubideei, gainontzeko bazterketa sozialen mailan jartzen ditu, zapatistek egin zituzten zerrenda luzeen mailara: etxea, lurra, lana, ogia, osasuna, hezkuntza kultura.
Kirol jarduerez gain, Sánchez-Ostizen eta Ignazio Aiestaranen liburu aurkezpen intentso bat izan zen joan den astean: egunerokoez mintzatu ziren, Flaubertez, Sartrez. Gainera eztabaida intentsoak izan genituen irakurle taleetan Komikia (eta euskara) for dummiesen bizitzaz eta zahartzaroraz jardun zuten, Irakurle taldean zientziaz eta existentziaz, Ekonomia kritikoan aberastasunen banaketaz eta erreforma gaindituko duten proposamenen faltaz. Biurko Upategien dastatzea lasaia izan zen, zertzelada asko eman zituzten ardoen, nekazaritzaren eta dastamenaren inguruan.
Gogoratu nahi dizugu ostegunetik astelehenera itxita egongo garela, jai egunetan jai, larunbatean barne. Beraz, asteazkenean, afariak izanen ditugu, entsaladak, arrazioak, ogitartekoak, etxeko azkenburuko goxoak. Asteartean itzuliko gara. Ez ahaztu jai egunetarako zelulosa kopuru egokia hartzea. Asteroko hautaketan gertu ekoiztutako materiala daukazu: Sanduzelaiko Andrés Herrerak Bellaterran Espainia eta Txinak XX. mendean izan dituzten harremanak aztertu ditu sakonki; Burlatako Beatriz Chivitek poema liburua argitaratu du Araban; Txalapartak telesailen inguruko liburua argitaratu du Iratxe Fresneda, Josebe Iturrioz, Itziar Ziga, Irati Jimenez eta Katixa Agirreren testuekin; Emmanuel Rodríguezek Espainiako Erreinuko 1978ko erregimenaren fake demokratikoaz idatzi du (askotan aipatzen den gaia da, baina honakoan bateratze lan garrantzitsua egin du madrildarrak); egungo hizkuntzalari interesgarrienetakoa den Moreno Cabrerak ere liburu berria argitaratu du. Honakoa nobedadeen hautu txiki bat besterik ez da, askoz gehiago dauzkagu liburu dendako mahai eta apaletan.
Hilak 31 asteartearekin 19etan Mujeres en la Edad Media: actividades políticas, socioeconómicas y culturales liburua aurkeztuko du Cristina Pérez Galán egileak. Funtsezko gai bat a priori historiko asko eraldatzen hasteko.
Ez dugu normalki nabarmentzen baina liburu honek oso prezio eskuragarria dauka.
Subtitulo:
Emakumeka Erdi Aroan
Seccion:
Asteko ekitaldiak
Martxoak 30ean 19:30ean Juako Escasok Todo que ganar liburua aurkeztuko du.
Apirilak 7an 19etan Batzorde Errepublikarrak eztabaida antolatu du krisi sozialari eta ekonomikoari buruz Ezkerrako, EH Bilduko eta Podemoseko kideekin.
Subtitulo:
Juako Escaso + Eztabaida errepublikazalea
Seccion:
Actos
Imagen: