Etxe bat norberarena: azaroaren 11an greba orokorra!

09/11/2026
Cuerpo:

«Etxebizitza-eskasiak lerro ugari betetzen ditu prentsan egunotan, eta kontua ez da langile-klasearen etxebizitzak txarrak, leporaino beteak eta kaltegarriak direla. Eskasia hori ez da orainaldiaren ezaugarria, eta ez da proletario modernoaren sufrimendu bereizgarria ere, lehenagoko klase zapaldu guztien aldean. Alderantziz, garai guztietako klase zapalduek modu gutxi gorabehera uniformean pairatu dute hori. Etxebizitza-eskasia honekin amaitzeko, bide bakarra dago: langile-klaseak klase nagusiaren eskutik jasaten dituen esplotazioa eta zapalkuntza abolitzea.»

Friedrich Engels

«Langileek haien lanarekin ekoizten zuten aberastasun soziala kapitalisten eskuetan geratzen zen. Horregatik, ekoizpen-modua deuseztatu arte etxebizitzaren auzia (elikagaien auzia bezala) ez zen ebatziko.»

Amaia Prieto

«Etxebizitzaren jabetzaren ideala gero eta sustraituagoa dagoen garaiotan, 1970eko hamarkadan bezala, alokairua ziurgabeagoa bilakatu da.»

Alva Gotby

Imagen:
[+] gehiago irakurri

Sute bat pizteko oharrak: Katakrak argitaletxeak 10 urte

30/10/2026
Cuerpo:

2016ko azaroko hondarrean, duela 10 urte, argitaratu zituen Katakrakek bere lehenengo bi liburuak. Ospatzeko, jardunaldi hauek antolatu ditugu azaroaren 3tik 7ra: kontatzeko asko duen jendea etorriko zaigu, edizioaz, hiriaz, feminismoaren etorkizunaz eta musikaz hitz egitera. Eta bukatzeko, Mateo Zikuta & Dürüm Solo Karneren kontzertua izango dugu.

Asteon izan ditugu ere SF78 gogoan-en jardunaldiak NATOri, gerrari eta militarismoari buruz, hitzaldi aski interesgarriak. Orain jakin baduzu, ez itxaron hurrengo buletina, begiratu lantzean behin webguneko agenda: beti sartzen da buletinera iristen ez den ekitaldiren bat. Adi azaroari, Eszenika hasiko da, Gemma Ubasart, Julen Azcona eta Antonio Turiel etorriko dira...

,

Adi, azaroaren 2an eta 3an eta abenduaren 8an kantina irekiko dugu (liburu-denda ez). Ausar zaitez eta dastatu gure eguerdiko menua, gozoak, pintxoak eta arrazioak.

Subtitulo: 
Jai egunetan: zabalik
,

Arantxa Iturbek Jon Alonso elkarrizketatu zuen EUSKADI IRRATIAn Cesare Paveseren Zure bazterrekoak liburuaren argitalpenaren kontura.
Odile Bourguignon Goñik Charles Bukowskiren Shakespearek ez zuen inoiz eginen argitalpenaren berri eman zuen BERRIAn.
Peru Iparragirre reseñó en BERRIA Zazpigarren gizona de John Berger y Jean Mohr.

Subtitulo: 
Pavese, Bukowski eta Bergerri buruz hedabideetan
Imagen:
[+] gehiago irakurri

Letrazaurituak, Maggie Nelson, Charles Bukowski

16/10/2026
Cuerpo:

Joan zen uda eta urria heldu da, baina gu, ekainetik buletinik igorri gabe... ekitaldi aski interesgarriak izan ditugu iraila hasieratik eta, zorionez, beste bideetatik, jakin duzu. Halere, astelehenean Letrazaurituak jaialdia hasiko da, aurten zortzigarrenez Trapezistaren zorabioak elkarteak antolatua, eta ez genuke nahi idazle apartak etorri ostean jakin dezazun.

Honezkero izango duzu Fraktalen berri. Gainera, azaroan Iruñaldia itzuliko da Iruñerrira eta guretik pasako da Irati Jiménez. Horrez gain jardunaldi interesgarri batzuk antolatu ditugu, datorren astean izango da albistea eta guk hurrengo buletinean kontatuko dizugu, ados?

,

Iraila hasieran heldu zen liburu-dendetara Maggie Nelsonen Argonautak Ibon Egañak itzulia, Kay Subijanaren hitzatze batekin. Irakurterraza da nahiz eta existentziaren funtsezko gai asko landu (desira, sexua, haurdunaldia, seme-alabak izatea, filosofia). Ez bazara euskarazko edizioarekin ausartzen, gaztelaniaz ere badaukazu. Edizio honen argitalpena albiste izan zen IRUTXULOKO HITZAn eta BERRIAn.

Subtitulo: 
Maggie Nelson «Argonautak»
,

Duela hilabete batzuk argitaratu genuen Gwenola Ricordeauren Libertad para todas. Ba urriaren 22tik aurrera Aula Virtual plataformatik Feminismo y abolición de las prisiones ikastaroa egingo dute liburuaren inguruan, zazpi saio denera, sartu estekan eta begiratu.

Subtitulo: 
Libertad para todas: ikastaroa
,

Joan den astean heldu zen liburu-dendetara Charles Bukowskiren Shakespearek ez zuen inoiz egin Michael Montforten argazkiekin eta Jone Gartziak itzulita. 1978an Bukowskik eta Linda Leek Europan barna egin zuten bidaia zoroaren kronika bat da. Albiste izan zen GARAn eta EUSKADI IRRATIAn.

Subtitulo: 
Charles Bukowski «Shakespearek ez zuen inoiz egin»
Imagen:
[+] gehiago irakurri

Pavese, Madril, islamofobia, Ziburu, makia

03/06/2026
Cuerpo:

Joan den ostiraletik, aurrenekoz, Madrilgo liburu azokara joan gara. Verso eta Traficantes de Sueños argitaletxeekin partekatzen dugu postua, zuhaitzez inguratuta, adi polenari. 236-237 postuetan gaude. Gainera, igandera arte Gaztelu Plazan postua daukagu eta, ohi bezala, larunbatean Ziburuko liburu eta disko azokan egongo gara.

Ikasturteko azken argitalpena dendetara iristen ari da: Cesare Paveseren Zure bazterrekoak du izena eta Jon Alonsok itzuli du, hilaren 15ean Karrikirin aurkeztuko dugu. Gaztelerazko azken biak Arun Kundnaniren Que vienen los moros. Islamofobia, extremismo y guerra interna contra el terror eta Dolors Marinen Clandestinos. El maquis contra el Franquismo 1939-1975 dira.

,

Ibai Atutxarekin batera Udako Euskal Unibertsitatean Stuart Hall gure garaia irakurtzen egun osoko jardunaldia antolatu dugu, ekainaren 25ean, 13 hizlarirekin. Eman izena eta zabaldu!

Subtitulo: 
Stuart Hall UEUn: eman izena!
,

Iñaki Larrimberi elkarrizketa egin zioten GARAn bi orrialdetara eta Iñaki Urdanibiak Sadismo con y sin Saderi iruzkina egin dio KAOS EN LA REDen.

Subtitulo: 
«La dictadura de lo joven» eta «Sadismo con y sin Sade» hedabideetan
,

Leire Mendiburu, Ekologia pirata baten alderen itzultzailea ARGIAko azalean agertu zen, Danele Sarriugartek egin zion elkarrizketaren kontura. Gainera ANBOTOn eta EUSKADI IRRATIAn azaldu berri da.

Subtitulo: 
«Ekologia pirata baten alde» hedabideetan
,

Annie Ernauxen liburua albiste izan da BERRIAn, ARGIAn eta GARAn.

Subtitulo: 
«Argazkiaren erabilera» hedabideetan
Imagen:
[+] gehiago irakurri

Annie Ernauxen intimitatea, apokalipsia eta glutenik gabeko kroketa

15/05/2026
Cuerpo:

Asteon iritsi da liburu-dendetara Annie Ernaux eta Marc Marieren Argazkiaren erabilera, Leire Lakastak itzuli du eta intimitatean egindako hamalau argazki oinarri hartuta liburu soil eta ederra aurkituko duzu. Bestetik, apirilaren erdialdean iritsi zen liburu-dendetara Gaia Giulianiren Monstruos, catástrofes y antropoceno. Una crítica poscolonial (Iñaki Arzoz eta Andoni Alonsoren hitzaurrearekin), Fernández-Renauk itzulia, apokalipsiaren eta zientzia fikzioaren zinezaleentzako liburu biziki interesgarria.
Adi asteon bukatuko dela kroketaren astea eta, akaso, ez duzu gurea dastatu. Karramarro de corral deitzen da, oiloa dauka, karramarroa duxelle erara eta glutenik gabeko artoan bildua. Erre asko zeuzkan errezeta bat bilatu dugu eta, hara, zapore zoragarria dauka nahasketak. Dasta ezazu.

,

Martxoko arrats eguzkitsu batean hasi zen Samira Calvo EUSKALERRIA IRRATIAn Trikuaren zuhaitza kolaborazioarekin. Hiru pieza egin ditu: bat Leo Leonniri buruz, bigarren bat Gabrielle Vincenti buruz eta azkena, asteon, Gianni Rodariren inguruan. Bateragarria da gaztetxoak pantailetatik aldendu eta hamar minututako pieza hauek ikustea.

Subtitulo: 
Trikuaren zuhaitza: haur eta gazte literatura irratian
,

Urrian bixitatu gintuen Roberto Mendazak Habitación 305 aurkezteko eta entzungai daukazu aurkezpena. Martxoan Maielis González etorri zen Nuclear aurkeztera.

Subtitulo: 
Entzun Roberto Mendaza eta Maielis González
Imagen:
[+] gehiago irakurri

Aste goren baten kronika atzeratua

29/04/2026
Cuerpo:

Nola jakin dezaket zer dagoen Katakraken? Eta guk esan ohi dugu: eman izena buletinean! Baina gero bizitza ziztu bizian doa, barraketako tren beldurgarria bezala. Eta azkenean ez dizugu fitxik esan liburuaren egunaren etorreraz, non egon ginen Karlos III.ean, ze deskontu egin genuen, ze libururen aldeko apustua egin genuen, nola ari diren liburu-dendak protagonismoa galtzen urtetik urtera. E.a. Apirilaren 23an bertan BERRIAren kale Berriko egoitzaren irekierako otamena eramateko aukera izan genuen gainera. Eta bezperan Donostian izan ginen, Tabakaleran, Zazpigarren gizona aurkezten John Berger eta Jean Mohren lana aitzaki (ikus beheraxeago).

Horrez gain, argitaletxeko azken bi nobedadeak: Alderantzira zamalka McKenzie Wark-ena (BERRIAn albiste izan zen) eta La dictadura de lo joven Iñaki Larrimberena (albiste izan zen NOTICIAS DE ÁLAVA, EL CORREO eta RADIO VITORIAn).

,

Berrogeita bi urtez liburuaren munduan lanean aritutako aditu batek esna zigun: osteguna eta eguraldi ona, liburuaren egun aparta. Halakoa izan zen. Eta Paula Etxeberriak DIARIO DE NOTICIASen esateko genituenak jaso zituen.

Subtitulo: 
Liburuaren egunaz
,

Apirilaren 22an, John Bergerren jaiotzaren mendeurrena aitzaki Iskandar Rementería, Jone Laspiur eta Iñigo Roquerekin ekitaldi ederra izan. Liburuaren argitalpena albiste izan da BERRIAn, GARAn eta DIARIO VASCOn.

Subtitulo: 
Zazpigarren gizona Tabakaleran, BERRIAn, GARAn, DIARIO VASCOn
,

Maddi Sarasuak Garazi Goldarazena itzultzaileari elkarrizketa egin zion ARGIAn Paul Matticken liburuaren argitalpenarengatik.

Subtitulo: 
Paul Mattick ARGIAn
Imagen:
[+] gehiago irakurri