Maskulinitateak + Yayo Herrero + Nafarroa 2015: Erabakitze eskubidea

09/03/2015
Cuerpo:

Martxoak 8arekin amaitu zen joan den astea: Kurdistanetik etxeko egongelara aldatu behar da mundua. Ospatzeko eta aldarrikatzeko duela urte bete argitaratu genuen irakurketa ibilbidearen sareko bertsioa estreinatu genuen. Hemen ikus dezakezu. Gainera, jakizu aurki helduko direla hurrengo 4 ibilbideak.

Nor ote da brownie bat jaten ari den argazkiko gizona? Atzo kontzertua eskaini zuen The Coup taldeko Boots Riley, joan den astean El País egunkariari esan zionez beltza eta komunista da. The Coupek zapalkuntza patriarkalaz, maitasunaz, janari azkarraz edota aberatsen kokaina parrandez hitz egiten du besteak beste, flow askorekin. Coca-Colako langileekin elkartasunean ez da edaria saldu beraien Espainiako Erreinuko kontzertuetan. Riley burkideak atzo nabarmendu zuenez mundua ez da kantekin aldatzen, mundua eraldaketarekin aldatzen da, baina egia da abestiak iparorratzak izan daitezkeela.

Aipamen musikal honen ostean afera praktikoago bat. Joan den astean, ezustean, dei bat jaso genuen, uztailak 6ko hamaiketakoa erreserbatzeko hots egin ziguten. Ez genuke alarma piztu nahiko baina gogoan izan ostiral-larunbatetako bazkariak eta ostegun-ostiral-larunbatetako afariak erraz betetzen direla. Lasaitasuna gailen dadin erreserbatu aurrez otorduak.

,

Ostiralean 19etan: Liburu aurkezpena autorearekin. Nafarroako Metaziri argitaletxearen azken argitalpenak egun gizartean daukagun gogoeta zentraletako bat jorratzen du.

Hala deskribatzen du liburua argitaletxeak berak: Patriarkatuaren menpean, heteroseximoaren munduan hazi eta hezitako gizon belaunaldi batzuei buruzko ideia andana ageri da liburu honetan, Euskal Herrian sexismoa eztabaidatzeko eta jendarte justuago eta berdintsuago baten alde lan egiteko azken hamarkadetan antolatu diren gizon taldeen bizipen zuzenetatik ateratako ondorioak. Gizonok gure artean sortzen dugun indarkeria eta, batez ere, emakumeekikoa murrizteko tresna eraginkorra izan nahi du liburuak. Nolanahi ere, ez da liburu itxia ala osoa, izan ere, gure pentsamendua gehiago sakondu eta garatu beharreko arlo andana bada oraindik, bai personal mailan zein talde mailan.

 

Subtitulo: 
Xabier Odriozola «Gizonezkoen sexismoa, maskulinotasuna eta askapena: berdintasunerantz»
Seccion: 
Irakurle taldea
,

Asteartean 19etan J. V. Barcia kazetaria eta eredu energetiko berri baten aldeko plataformako kideak, Alta Tensión liburua aurkeztuko digu, gaur egungo ereduaren ondorioak azaldu eta eredu energetiko jasangarri, demokratiko eta herritar bat proposatuz.

Gaur egungo eredu energetikoak mundu osoan eragiten du, gizarte zein sektore guztietan. Energia baliabideen kontrol geoestrategikoa da giza eskubideen urraketa handienak sortzearen arrazoi nagusia eta hurbilen daukaguna txirotasun energetikoa da. Enpresa handien esanetara dauden tokian tokiko gobernuen erabakiek, ezustekoak diren klima aldaketak pairatzera kondenatu du gure planeta. Gero eta gehiago dira, gogoeta kritiko eta erradikal batetik, eredu energetiko berri bat eskatzen duten pertsona eta erakundeak: jasangarria, tokian tokikoa, demokratikoagoa, berriztagarria, iraunkorra eta eskuragarria.

 

Subtitulo: 
«Alta tensión» liburuaren aurkezpena
Seccion: 
Irakurle taldea
,

Asteazkenean 19etan Myriam Gómezek moderatuko du Yayo Herrero Ecologistas en Accióneko kidearekin solasaldia. Eztabaida gaur egungo gizarte mugimenduei buruzkoa izango da. Zein paper jokatu behar dute gaur egun, nola gauzatu behar da komunikazioa gaur egun, zer harreman izan behar ditugu botere publikoekin eta mugimendu politikoekin.

Ezkerraberri fundazioak antolatutako hitzordua.

 

Subtitulo: 
Yayo Herrero: Mugimendu sozialak munduko krisiaren aurrean
Seccion: 
Actos
,

Ostegunean 19etan. Aldaketaren aldeko batzarrak antolatutako eztabaida. Parte hartzaileak: Txema Mauleón (Izquierda-Ezkerra), Rebeca Remiro (Equo), Adolfo Araiz (EH Bildu), Uxue Barcos (Geroa Bai) eta Laura Pérez (Podemos) eta moderatzailea Pilar Hurtado izango da.

Eztabaida gaztelaniaz izanen da.

Subtitulo: 
Nafarroa 2015: Erabakitzeko eskubidea
Seccion: 
Actos
Imagen:
[+] gehiago irakurri

CANen inguruko liburu aurkezpena + Iruñerriko Euskaldunon Agerkaria

02/03/2015
Cuerpo:

Ez dago ezustekorik gabeko asterik kale Nagusiko 54an.

Joan den astean, esaterako, tenore onean eta ia bi orduko saio batekin hasi zen Komikien irakurle taldea. Foro berri bat zabaldu zen, orduko hartan umoreaz, adierazpen askatasunaren mugez eta abarrez jardun zuten. Euskara ikasten ari dira baina zirrara sortzen duten gaien inguruan hitz egiteko larridurarekin. Hurrengo hitzordua hilaren 26an izanen da Paco Rocaren ZIMURRAK liburuarekin, eta noski, gonbidatuta zaude.

Ostiralean Irakurle Taldean Maria-Merçe Marçalen eta Emily Dickinsonen txanda izan zen. Bertso ederrak berreskuratu ditzakegu, esaterako Martxoak 8rako oso egokiak:

Dantza ala borroka? Gaur egun, gerra dantza!

Ezusteko handia izan zen Emily Dickinson. Bertso hauekin aritu ginen, adibidez, solasean:

1512 (1548)

Zeharo desagertutako gauza guztiak

Hori — da mugagabetasuna

Edo hauekin:

1765 (1747)

Maitasunaz dakigun guztia da

Maitasuna besterik ez dagoela;

Hori aski da, zamaontziak behar du

Bere lorratzaren tamainakoa izan.

Hurrengo hitzordua Bill Brysonekin izango dugu, zientzia, dibulgazioa.

Aste honetako irudian ikusten duzuen arte lana Arco Nazioarteko Ferian eskuratu dugu.

,

Eta hemen ez da ezer gertatu liburuaren aurkezpena asteazkenean 19etan autorearekin. Nafarroako Kutxaren galeraren aurrean, beste aldera begiratu dute Nafarroako elite politiko eta ekonomikoek. Euren erabakien ardura isiltasunezko belo batekin estali nahi dute, baina liburu honek belo hori altxatzea du helburu. Nafarroako fi nantza erakunde nagusiaren hondoratzearen nondik norakoak azaldu eta arduradunak erretratatzen ditu.

Subtitulo: 
Joxerra Senarren liburu aurkezpena Nafarroako Kutxari buruz
Seccion: 
Irakurle taldea
,

Ostiralean 19etan albiste pozgarri bat jasoko dugu. Iruñerriko Euskaldunon Agerkaria sortu dute Tokikomek eta Euskalerria Irratiak elkarlanean. Informazio lokala jorratuko duen eta komunitateari tarte zabala eskainiko dion webgunea izanen da, independentea, irekia, parte hartzailea.

Esan bezala, ostiralean, 19:00etan, aurkezpena. Eta hain justu komunitateko kideak, lagunak, alboan nahi dituzte.

 

Subtitulo: 
Iruñerriko Euskaldunon Agerkariaren aurkezpena
Seccion: 
Actos
,

Asteartean 19etan egongo de mahai inguruaren bitartez Euskal Herriako gatazkak utzitako ondorioen inguruan gogoeta bat burutu nahi dute. Egia, justizia eta erreparazioa zertan datzan hausnartu eta etorkizunari begira zauriak itxi bidean egin behar duguna aztertzea. Mahai inguruan, bortxa hori jasan duten hiru eragile desberdin egonen dira (Ahaztuak, Sanfermines 78, Angel gogoan) beren jarduera eta aldarriak azaltzen. Horrez gain, Egiari zor antolatzaile moduan eta gatazkak sortutako ondorioak lantzen dituen eragile bezala egonen da. Hori horrela, mahai inguruaren bitartez eztabaida eta ekarpen aberatsak ateratzea nahi dugu eta hartara ekimena eraiki beharreko bidean emankorra izan dadila.

Subtitulo: 
Egia, justizia, erreparazioa
Seccion: 
Actos
,

Erreza da eginak eta ospetsuak diren esaldiak esatea, adibidez: “zorra ez dugu ordainduko”. Hauek lagungarriak dira manifestazioetan aldarrikatzeko baina politika egiteko ez dira egokiak. Errealitatea askoz konplexuagoa da eta hori ezagutzeko auditoria egitea lagungarria da oso. Estatu mailan zorraren datu asko ezagutzen ditugu baina Nafarroara eta udaleetara hurbiltzen bagara zailagoa da aurkitzea. Zertan gastatu den, zenbat, zergatik etabar ezagutu nahi dugu,

Subtitulo: 
Zorraren herri auditoria egiteko betebeharra
Seccion: 
Actos
Imagen:
[+] gehiago irakurri

Irakurle taldeak + Dastatzea + Kontzertua

23/02/2015
Cuerpo:
Atzoko egunez 1939an hil zen Antonio Machado. Gabriel Arestik 1959an Olerti aldizkarian itzuli zuen "Barteko ametsa"z oroitu ginen bereziki:
 
 Bart, lotan, amets egin nun,
—goza amets ederrean—
iturri bat daritela ene bihotz barnean.
Ots: nundiko erretenez
zatoz, oi ur! nigana,
bizi berriko iturria,
nik edan ez dudana?
 
Poesia izango da aste honetako protagonistetako bat. Besteak beste, irakurle taldeen txanda izanen delako: hilean zehar liburuak hazi dira eta solasaldiaren egunean uzta jasoko dugu. Gainera aste honetan izango da Komikiak (eta euskara) hasi berrientzat taldearen lehenengo saioa.
Horrez gain Kurdistan, Hamabostaldi Libertarioaren amaiera, lurraldetasuna, ardo dastatzeak eta kontzertuak.
,

De Rerum Natura 5 izango da Komikia (eta euskara) hasi berrientzat taldeko lehenengo liburua. German eta Luis ariko dira taldea dinamizatzen. Lagun asko aritu zarete liburua irakurtzen, espektatibak ez dira txikiak. Eta ezustekoak izango dira. Ostegunean 20etan bilera gelan ikusiko dugu elkar! Ostiralean 20etan Irakurle Taldearen txandan Maria-Merce Marçal eta Emily Dickinsonen txanda izango da. Munduko Poesia Kaieretan argitaratua Itxaro Bordak eta Angel Errok itzulitako bi poeta ezinbesteko. Gogoan izan taldeok irekiak direla eta irakurtzea aski dela bertaratzeko (martxoan Bill Bryson irakurriko dugu, adibidez). Larunbatean 12etan Ekonomia Kritikoan Joan Robinson eta José Manuel Naredoren txanda izango da.

Subtitulo: 
Komikia (eta euskara) + Irakurle Taldea + Ekonomia Kritikoa
Seccion: 
Actos
,

Aste honetan amaituko da Hamabostaldi Libertarioa. Hiru hitzaurre egongo dira, asteartean Emili Kortabitarte Procés Embat-i buruz, ostegunean Pepe Uruñuela errepresioaren eboluzioari buruz, ostiralean Musika interbentziorako fronteak itxiko ditu jardunaldiak. Hirurak ere 19etan.

Subtitulo: 
Hamabostaldi Libertarioa
Seccion: 
Actos
,

Katakrakeko ardotegian Aroa Ardandegiko 3 ardo aurkeztuko dizkigu Txus Maciasek modu praktiko eta dibertigarrian. Uxueko ogi-mamiekin.
Gorde zure lekua ardotegia@katakrak.net helbidean edo deitu 948 225520ra.

Subtitulo: 
Dastatzea: Aroa ardoa + Uxueko ogi-mamiak
Seccion: 
vinoteca
,

"Lurraldetasunaren korapiloak" mahai ingurua antolatu du Iratzar Fundazioak. Hauek dira gonbidatuak: Emilio Majuelo (historialaria), Imanol Esnaola (Gaindegiako kidea), Eneritz Zabaleta (soziologoa) eta Floren Aoiz.
Larunbatean Jo &The Swiss Knife taldeak kontzertua eskainiko du 19etan.

Subtitulo: 
Ekitaldi gehiago
Seccion: 
Asteko ekitaldiak
Imagen:
[+] gehiago irakurri

Emir Sader + Hamabostaldi Libertarioa + La Casa Roja

16/02/2015
Cuerpo:

Azaroan Enrique Maldonadoren bixita izan genuen (argazkian ezkerrean). Todd McEwen-en Las cinco máquinasen itzultzailea izan da bera (baita Boston: sonata para violín sin cuerda longsellerrarena). Las cinco... oso liburu gomendagarria da mekanika interesatzen zaion jendearentzat eta sexua gogoko duenarentzat zehazki. Garaiotan gomendatzen dizugu tenperatura eta argi arrazoi agerikoengatik.

Aste honetan Hamabostaldi Libertarioak aurrera darrai, Emir Sader gonbidatu du Iratzar Fundazioak eta hileko La Casa Roja irakurle taldearen hitzordua izango dugu.

Ez izan zalantzarik, interesatuko zaion norbait ezagutzen baduzu esaiozu buletin honetan izena eman dezala.

,

Pepe Ribasek alde egin zuen, baina hemen ikus dezakezu bere hitzaldia: https://vimeo.com/119693960

Asteartean 19etan Mikel Orrantiak Libertarioak trantsizioan Euskal Herrian hitzaldia eskainiko du.

Ostegunean 19etan Potasasetik Euskal Jaira herri borrokek Iruñerrian izan duten garapenaz hitz egingo dute Angel Larrañeta, Julio Villanueva, Begoña Zabala eta Andoni Romeok. Ricardo Feliú izango da moderatzailea.

Subtitulo: 
Hamabostaldi libertarioa aurrera doa
Seccion: 
Actos
,

Emir Sader filosofo eta kazetari brasildarrak Latinoamerikan dauden mugimendu sozialen eta borroka politikoen inguruko hitzaldia eskainiko du.

Iratzar Fundazioak Neguko unibertisatearen baitan antolatutako hitzaldia.

Subtitulo: 
Emir Sader
Seccion: 
Actos
,

Ostiralean La Casa Roja irakurle taldearen baitan David Eloy Rodríguez-en Desórdenes (Amargord 2014) liburuaz jardungo dute.

Subtitulo: 
La Casa Roja
Seccion: 
Asteko ekitaldiak
Imagen:
[+] gehiago irakurri

Hitzaldiak, liburu aurkezpena eta asanblada

09/02/2015
Cuerpo:

Egun hunkigarri asko izan genituen joan den astean. Joan dira jada etxeko atxiloaldia egin duten 3 presoak. Giro onarekin, hitzaldi eta tailerrekin, irudimena eta pentsamenduarekin ilustratu dute munduaren ordenaketa injustu bati aurre egitean jaso duten zigorra. Irakaspen asko izan ditugu eta benetan eskertzen diegu lotsara eta bakardadera zokoratutako zigorraren kultura garaikide hau kale Nagusira ekarri eta geurekin partekatu izana.

Joan den asteko beste une eder horietako bat Nafarroako bertsolari txapelketaren final zortzirenen hasiera izan zen. 170 lagun, 6 bertsolari, argiak, alde zaharreko bertsolari gazteak, Nafarroako hamaika lekutatik (eta are Bidasoaz bestaldetik) gerturatu ziren bertsozaleak.

Baina hunkidura eta jakintza ez da aste honetan etengo Komunalak ala hil! jardunaldien beste hiru saio izango ditugu, euskarazko ekitaldi eredugarrien liburu aurkezpen bat, asanblada bat eta Hamabostaldi libertarioen hasiera.

Datorren ostiralean izango da La Casa Roja irakurle taldearen hitzordua. Garaiz zabiltza David Eloy Rodríguezen liburua irakurtzeko.

,

Astelehenean interneti buruz ariko dira Karlos G. Liberalek eta Margarita Padilla. Munduko jakintza komunal digitalen desobedientzia esperientziak eta proposamenak kontatuko dituzte.

Asteazkenean Kataluniako Bellvitge Ospitaleko borroka esperientziak kontatuko dizkigute. Partehartzea, demokratizazioa eta erabiltzaileek kudeatutako osasungintzari buruz hitz egingo digu Marta Carrerasek (Associació Catalana en defensa de la Sanitat Pública).

Ostegunean Brasildik Maria Alzerina Carneiro Montelo izango dugu landa okupazioari buruz hitz egiten (Movimento dos Trabalhadores Rurais Sem Terra -MST-).

Subtitulo: 
Komunalak ala hil: Internet, osasungintza eta lurraldea
Seccion: 
Actos
,

6 ekitaldi izango ditu aurtengo hamabostaldi libertarioak. Lehenengoa ostiralean 19etan Pepe Ribasen hitzaldia izango da Ajoblanco aldizkariari buruz.

Subtitulo: 
Hamabostaldi libertarioaren hasiera
Seccion: 
Actos
,

Asteartean 19etan Aitziber Sarasolaren omenez 19.KORRIKA euskahalduntzeaz hitz egingo digute. Zenbait ekimen eredugarriri buruzko jardunaldia.

Ostiralean 11etan Labrit Multimediak antolatuta ondare inmaterialari buruzko liburu aurkezpena.

Larunbatean 11etan Nafarroako Osasun Plataformaren balantzea.

Subtitulo: 
Euskarazko ekimenak + Ondare inmateriala + Asanblada
Seccion: 
Asteko ekitaldiak
Imagen:
[+] gehiago irakurri

Desobedientzia + Bertsolaritza

02/02/2015
Cuerpo:

10 ekitaldi publiko egongo dira aste honetan Katakraken. Ia deus: hitzaldiak, arte tailerrak,
Joan den astean iragarri genizuen bezala hasi dira jada desobedientzia eta komunei buruzko bi zikloak. Horrekin batera etxeko atxiloaldia betetzen dituzten 3 lagunak larunbat gauerditik daude Katakraken bizitzen, marradun arropaz jantzita.

,

KOMUNALAK ALA HIL zikloaren baitan astelehenean 19etan Andres Arauz izanen dugu.
Andres Arauz Ekuadorreko Planifikazio eta garapeneko zuzendaritza nagusiko azpizuzendaria da.
Zor gorrotagarriari aurre egiten, mundu mailako finantza erakundeei desobeditzen eta ekonomiaren oinarri soziala handituz.

Subtitulo: 
Dirua: zor gorrotagarriari aurre egiten
Seccion: 
Actos
,

KOMUNALAK ALA HIL zikloaren baitan asteazkenean 19etan Theodoris Kariotis izanen dugu Greziako 136 mugimendukoa.
Tesalonikan uraren pribatizazioari buruzko galdeketa (i)legala egin zuten, prozesu hura kontatuko digu.

Subtitulo: 
Ura: pribatizazioaren inguruko galdeketa
Seccion: 
Actos
,

Bertsolariak: Jon Barberena, Joxema Leitza, Aritz Saragueta, Bittor Elizagoien, Unai Uberetagoena eta Oier Lakuntza Aurkezlea: Alaitz Rekondo.

Sarrera librea. Aforo mugatua da. Saiorako gonbidapenak aurrez banatuko dira Nafarroako Bertsozale Elkartean eta Katakraken.

Subtitulo: 
Nafarroako Bertso Txapelketa
Seccion: 
Asteko ekitaldiak
,

Okupazioa eta desobedientziari buruzko zikloak aurrera darrai, Detritusen erakusketa erabilera anitzeko aretoan dago.

Kale dekorazio tailerra egonen da astelehenean 18etan.

Okupazioaren inguruko 2 dokumental proiektatuko dituzte bilera gelan asteartean 17etan.

Asteazkenean 19etan Nafarroako Salhaketak autodefentsa juridikoaren tailerra eskainiko du.

Ostegunean 19etan Bartzelonako Sants auzoko Can Vies Zentro Sozial Okupatuari buruzko hitzaldia eskainiko du bertako kide batek. Ostiralean 20etan

Subtitulo: 
Alkatakrazeko kartzela
Seccion: 
Asteko ekitaldiak
Imagen:
[+] gehiago irakurri