Bihar, uztailak 18arekin, eta Black Ferminaren erauntsiaren ostean, ateak zabalduko ditu. Udako ordutegian liburu denda 12etatik 20etara egongo da irekita, jarrian. Kantina afarien ostean itxiko dugu. Baina, ikasturte amaierako mezu honetan zenbait material bildu dugu, aurten Katakraken egon denaren lagin ttiki bat.

Ikasturteko azken ekitaldietako bat izan zen Iban Barrenetxeak eta Diego Morenok egin ziguten LA CATA liburuaren aurkezpena. Lehena liburuaren ilustratzailea da eta bigarrena 10 urte bete dituen Nordica argitaletxeko editorea.

Liburu dendako blogean ikus dezakezun bezala, aurten hasi gara erreseinekin. Emaitza aberats horretan saiakeren 8 iruzkin, narratibako 6 lanenak, 6 poema libururenak eta 2 kronika libururenak aurkituko dituzu.
Era berean, euskara ekarritako abaguneari buruzko testuak aurkituko dituzu (Tariq Ali, Butler, Ranciere, Zizek, Boulez) edo literatura puskak (Izagirre, Brecht, Buck-Morss), eta bideoak.
Ostera ere entzun ditzakezu Eduardo Arteta Irujok Info Zazpin eta Hala Bedin egin dituen liburu gomendioak.

Geure blogean batu dituguaurtengo hiru ikastaroetako audio eta, dauzkagun, material guztiak.

Irrati frekuentzia zaharrarekin hasi eta legezkoarekin amaitu dute aurten Maitane Unzuk eta Xabier Maeztuk Euskalerria irratiako hamabosterko kolaborazioen saioa. Zer prestatu udan? Hautatu errezeta bat eta egin behin, birritan, eta goxoa atera arte!

Prest dauzkazu Luis Soldevilak eta June Sanmillánek Radio Euskadiko Iflandian egin dituzten 16 kolaborazioak.

Nafarroako Salhaketarekin batera Zigorraren aurkako bigarren jardunaldiak antolatu genituen.

Gainera, entzungai dituzu Radio 3rako Javier Tolentinok grabatutako lau irratsaioak.
Edota Mmatarraken zuzeneko kontzertua.
Edota Xisco Rojoren akustikoa.
Buletin hau «Irailean, ilargi urdineko egun hartan» itzuliko da, Ausburgoko poetak zioen bezala.

Gaur hauteskunde orokorrak dira Espainiako Erreinuko hiritarra bazara. Horregatik, literaturako bi pasarte batu ditugu buletin honetarako: batetik, Bertolt Brechten bertso batzuk kapitalismo parlamentarioari buruzkoak, eta, bestetik, Koldo Izagirreren azken nobelako pasarte bat bozka sekretuari buruz, buletineko izenburua hortik dator gainera.
Gertatuko dena gertatuko dela Iban Barrenetxea eta Diego Moreno izango ditugu Roald Dahlen LA CATA ipuina ekitaldi berezi batean aurkezteko: ardo dastatzea egongo da, beraz, etorri liburuarekin, amaieran sariak egongo direlako Nordica argitaletxearen 10. urteurrena ospatzeko.

Adi aurten geure aukera gastrononomikoa zabalagoa izango dela. Joan den urtean bezala aldaketarik gabeko filosofia gailenduko da osagaien kalitatean eta jatorrian: ahal den neurrian gertukoak eta ekologikoak. Hala, nahi baduzu deitu eta gorde zure ortorduak 948 225520 zenbakian.
Uztailak 6a beteta dago baina 7tik 14ra hamarretakoak izango ditugu 16 euroan: mahaiaren erdigunean lehenengoak (patata erreak, babarrunak, arrautza frijituak) eta aukeran bigarrenak (pistoa, urdaiazpikoa tomatearekin, ajoarrieroa, arkumea eta frijituak) baita ogia eta ardoa ere.
Bazkariak ere gorde ditzakezu 7tik 14ra (nahiz eta egun batzuk beteta edo ia beteta dauzkagun) 23 euroan: lehenengoak erdigunean (salmorejoa, pikilo piper konfitatuak, meloia baratxuriarekin, barazki pastela), eta hautatzeko bigarrenak (arkumea, hegaluze tatakia, babarrun zuriak, risottoa) eta azkenburuak (mami eta ron sorbetea, hizozkia browniearekin, fruitua mendafinarekin).
Gauero, ohi bezala, afariak; ogitarteko beroak eta hotzak, hanburgerrak eta arrazioak.

Juan Etxenikek EN DEFENSA DEL POPULISMO (Catarata 2016) liburuaren iruzkina egin du, Carlos Fernández Liria filosofoaren azken lanaz.

Pablo Solonek gobernu eta ordezkaritza ardurak izan zituen Evo Moralesen gobernuetan eta Latinoamerikak dituen erronkez jardun zitzaigun.

2015eko torturaren txostenaren aurkezpenaren aitzakiarekin izan ziren Paco Etxeberria eta Oihana Barrios torturari buruz hitz egiten.

Gazte botereari buruzko jardunaldiak egon ziren Iruñerriko zenbait lekutan Katakreko hitzaldian eskualde ereduaz jardun zuten.