Astelehenetik aurrera erakusketa bat izango dugu, eta hitzaldi sorta bat torturaren eta kulturaren inguruan ikusi hitzordu bakoitza.
Astelehenetik ostegunera Radio 3ko El Séptimo Vicio saioa Katakraken grabatuko dute Ikuspuntua jaialdiaren baitan. Iluntzeko 22etatik aurrera El Drogas, Tonino Carotone, J'aime eta Belizeren kontzertu akustikoak izango ditugu.
Ricardo Hernándezek Joan-etorriko kanteei buruzko hitzaldia eskaini zigun. Solasaldian gaia hazi zen.
Aritz Ibañezek Bidador past(f)oralari buruz hitz egin zigun.
Iruñea Tropikal berri bat dator? mahai-inguruan DJ Reimy, Mosto (Raperos de Emaus), Ada (Benation), Fermin Valls (The Titanians) eta Olaia Oneka (Arima) bildu ziren eta mikro irekian jendeak parte hartu zuen.
Atlantiko Beltzko audio guztiekin maratoi bat egin dezakezu eta guztiak jarraian entzun.
Akatz reggae taldeko lagunek EH jamaikarrari buruz hitz egin ziguten.
Hilero bezala Luis Soldevila Iflandia irratsaioan egon zen eta gure eskualdean zabaltzen ari den paradigma musikal berriaz jardun zuen. Torturari buruzko jardunaldiez ere jardun zuen.
Jada sarean daukazu Broken Brothers Brass Banden bideoklip berria: Arga ibaitik Jito Alai pilotalekura Katakrakeko sukaldetik pasata. Gumbo ibaiertzean deitzen da eta basatiki ederra da.
Urtea hasi zenean hil zen Pierre Boulez. XX. mendeko orkestra zuzendaririk garrantzitsuenetako bat. L'Humanité egunkariak 2010ean egin zion elkarrizketa luzea euskaratu dugu.
Material berri askorekin gatoz asteon: erreseina bat, Atlantiko Beltzeko lehenengo asteburuko hitzaldien audioak, bideoren bat. Eta beti bezala: asteko ekitaldiak (hileroko zikloaren eta yogaren ikastaroak berriz ere hasiko dira, adibidez) eta nobedade gozo batzuk. Aste on!
Inaxio Goldaracenak La Casa Roja poesia irakurle taldeko azken liburuaren inguruko erreseina idatzi du EL ÁRBOL DE DIANA.
Iruñea NOLA?k prestatu zituen Atlantiko beltzeko 10 postal egin zituzten.
Víctor Lenorek musikari eta kaleari buruz jardun zuen.
Isidro Lópezek munduko hegoaldeko soinuez hitz egin zigun, eskuragarri dauzkazu ere hitzaldiaren osteko galdera eta erantzunak.
Ion Celestino, Xarra (Gaztelupeko Hotsak), Itsua (Beat Salad), Lando Stone (Cherry Boppers) eta Iosu Marti (Sustraian Records) Euskal Herria portu musikal bat da? galderari erantzuten saiatu ziren.
Altantiko beltzaz gain Gorka Etxebarriak idatzi berri duen liburua aurkeztu zigun: SOZIALISMOAREN HISTORIA LABUR BAT.
Luis Soldevilak Ahotsa.infoko lagunei Atlantiko Beltza zer den azaldu zien, ikastaroa hasi aurretik.
El Drogas Bilboko Kafe Antzokiaz aritu zen Tumatxak saioan.
La Casa Roja irakurle taldeko kideetako batzuk poema liburuak idazten ari dira. Zalantzak dauzkate eta partekatu nahi dituzte. Horretarako otsailak 10ean batuko dira. 19etan Katakrakeko bilera gelan (areto nagusiko eskailera grisetatik gora, eskuineko atean). Parte-hartzaile bakoitzak 10 minutu izango ditu, gainontzekoek gomendioak emateko aukera izango dute. Ideia ederra iruditzen zaigu: bakarka idatzi, komunean zalantzak argitu, norberaren ekoizpenak hobetu, eztabaidatu.
*Gogoan izan asteazkenean ekoafaria izanen dugula, hileko azken asteazkenetan izan ohi dugun bezala, eman izena.
Munduko saxofoi jotzaile onenetako bat. Israeldarra. Antisionista. Saiakera zirragarri bat idatzi du. Juan Etxenikek egin du erreseina: LA IDENTIDAD ERRANTE (Gilad Atzmon, 2012, Madril, Ediciones del Oriente y el Mediterraneo).
Saudi Arabiak Ashraf Fayadh hil nahi du Ignazio Aiestaranek azaldu zigun nor den gizon hau, zer idazten duen, zergatik zigortzen duten.
Joan den larunbateko Eskola feministako bi kide grabatu zituen Ahotsak: Oihana Etxeberria eta Miren Zabaleta.
Iñaki Gil de San Vicente DERECHOS HUMANOS COMO ARMA DE DESTRUCCIÓN MASIVA liburua aurkezten.
Xabier Maeztu Euskadi Irratian Atlantiko Beltzako musikak aurkezten.
Enric Lujan DRONES liburua aurkezten.
Imanol Murua EKARRI ARMAK liburua aurkezten.
Yabablues profesoreak eta John Howel agurgarriak euskal funkeko 11 abesti prestatu dizkigute: entzun IZERDI HOTSAK.
Jorge Luis Borgesek Euskaldunei eta beltzei buruz esandakoak ere bildu ditugu.
Luis Soldevilak Atlantiko beltzari buruzko gogoetak egin zituen «What we play is life!» Louis Armstrong idazkian.
Eta Xabier Maeztuk Atlantiko beltza hurbildu zigun 8 abestitan Orleans berritik Iruñerrira.
Egunerokoan egiten ditugun gauza errepigarrien datu asko eman izan ditugu. Zenbat kaina jartzen ditugun, adibidez. Baina bi urteotan ez dugu kontatu, adibidez, zenbat bider galdetu diguten non dago komuna?. Galderari erantzuteko asmoz, eta WC afixa soil bat jarri beharrean, eraikin guztia afixa informatiboz betetzea otu zaigu. Alegia, lehenengoz eraikinera sartzen zenak jakin zezala, adibidez, liburu-dendak bi solairu dauzkala, eta erabilera anitzeko areto bat badela. Informazio afixak nonahi (mila esker Marisa!). Eta erabilera anitzeko aretoan ere erakusleihoko toldoko Hau dena aldatu nahi genuke erreplikatu dugu (mila esker Aitor!).
Inaxio Goldaracenak LA CASA ROJA (Juan Carlos Mestre, Bartzelona, Calambur, 2008) liburuaren inguruko solasaldiaren kronika egin digu.
Euskaraz eta gazteleraz Xabier Montoiaren lehenengo poema liburuko lehenengo poema, David Bowie gogoan: BATZUENTZAT.
1998an argitaratu zuen Fermin Muguruzak bere lehenengo bakarkako diskoa. Disko horretako lehenengo abestia izan zen Urrun. Berriki Tumatxak saiorako bertsioa egin du Petti Berako soulman handiak. Ia zer iruditzen zaizun.
Iparraldeko Bizirik irratsaioan geure proiektua azaldu genuen. Bizi! gizarte mugimendu sozio-ekologistaren irratsaioan hain zuzen.
Duela hilabete batzuk June Sanmillanek Iflandia saioan egin zuen lehenengo kolaborazioa jasotzen dugu hemen, B filmari buruz aritu zen.
Ostiralean hasiko da Atlantiko Beltza ikastasroa. Ostegunean, aperitifa: THE WHOLE GRITTY CITY dokumental hunkigarria.
Gabonetako gehiegikerien ostean azukreen, gatzen eta liburuen metabolizazioa: hasi da urtarrila. Eta hegan egiteko formazioa eta eztabaida eskaintzen dizugu. Musikaren eta komunitatearen eraldaketari buruzko ikastaro bat, hain zuzen: ATLANTIKO BELTZA: esklabutzako musikak, erresistentziako musikak. Bertako eta nazioarteko gonbidatuak izango ditugu: Víctor Lenore, Isidro López, Ricardo Hernández, Aritz Ibañez, Ion Celestino, Xarra (Gaztelupeko Hotsak), Itsua (Beat Salad), Lando Stone (Cherry Boppers), Ion Marti (Sustraian Records), Irene G Rubio, Camila Monasterio, DJ Reimy,: Mosto (Raperos de Emaus), Ada (Benation), Oroel Otal (The Titanians).
Ikusi hitzordu guztiak gure webgunean eta eman izena interesatzen bazaizu
2014an argitaratu zuten HIJOS DE LA NOCHE (Santiago López-Petit, Bartzelona, Bellaterra, 2014) eta beharrezekoa iruditzen zaigulako iruzkintzen dugu orain.
Luis Soldevila Radio Euskadiko Iflandia saioan egon zen Iruñeko Erregeen desfilearen egunean. Azken kapituluak gertatu aurretik izan zuen solasaldia Félix Linaresekin baina, halere, gaurkotasunezko gogoetak plazaratu zituen: Betuiezko Baltasar.
Egun berean, ordu batzuk lehenago, Iñaki Redín irrati kate berean egon zen COMICREANDO liburua aurkezten. Proiektu gomendagarria zinez, horrez gain Hiperaktibitatearen gaitzari buruzko gogoetak egin zituen.
Juan Etxenike DJ ZORBA Euskadi Irratiko Hiri gorrian saioan egon zen luze eta zabal egungo Greziako musika jartzen.
Borgenesen «hamabi kanpaikada konponezinak» igaro dira eta oroitzapenen tartea zabaldu da. Broken Brothers Brass Banda pasa zen, eguzkitako betaurrekoak jantzita Ibon Olagarroren heriotzaren urteurrenean. Hurrengo egunean, 31an, 2 urte bete ziren kale Nagusiko ateak zabaldu genituenetik. Urtero entzuten ditugu 1959ko urtarrilak bateko Kuba liberatuko hotsak edota 1994ko EZLNren Chiapasekoak. Egun horretan sartu zen indarrean Ipar Ameriketako Salmenta Eremu Askearen Hitzarmena, TTIParen aurrekari bat. Europarron osasunak, elikadura, segurtasun juridikoa eta eguneroko bizitza kolpatuko duen hitzarmena.
Bi urte joan dira zabaldu genuenetik eta bigarren urtemuga honetan berriz ere eskerrak eman nahi dizkiegu auzolanetan, mantenimendu lanean, hitzaldiak antolatzen eta entzuten, irakurle-taldeetan eta dastatzeetan parte hartzen, asanbladak egiten aritzen zaretenei.
Jakinaren gainean gaude 2016an ere liburu ederrak argitaratu eta berrargitaratuko direla. Laster arte beraz.
Urtero bezala, dispertsioaren kontrako manifestaziorako autobusa antolatu dugu. 11etan aterako da Hiru Erregeen Hoteletik giro lasaian. Deitu 948 225520 zenbakira erreserba egiteko.
Jacques Rancière-ri egindako elkarrizketa euskaratu dugu: eskuin muturra, intelektualak, Frantziako sistema politikoa fri buruzko gogoeta zorrotz eta beharrezko bat. Gainera, Alain Badiourekin izandako solasaldia gehitu dugu webgunean.
