Astea indartsu dator.
Can Viesi buruzko dokumentalaren eta Irune Sarabiaren hitzaldi jendetsuaren ostean, asteon 3 liburu aurkezpen izango ditugu; ardotegia zabaltzeko ekitalditxoa egingo dugu; eta, gainera, Nacho Vegas etorriko zaigu musika herrikoiaren eta eraldaketa sozialaren inguruan hitz egitera.
Gainera, orain hamabost egun agindu bezala Ekonomia kritikoa eta Komikiak (eta euskara) for dummies irakurle taldeen aurtengo egitaraua aurkeztuko dizuegu.
28/09/2015
Cuerpo:
,
,
,
,
Zalantzarik balego berriro diogu: irakurle taldeetan parte hartzeko egin beharreko guztia testua irakurri eta etortzea da. Ez da izenik eman behar, ez da kuotarik ordaindu behar.
Ihazko ekitaldi ederrenetako bat errepikatuko dugu aurten: Komikiak (eta euskara) for dummies irakurle taldea. Hilean behin komiki bat irakurri, euskara ikasten ari bazara baina helduen gaiak landu nahi badituzu, presiorik gabe, hau da zure aukera. Hemen ikus ditzakezu aurtengo komikiak zeintzuk diren. Zalantzarik baduzu deitu 948 225520ra edo idatzi agenda@katakrak.net-era eta gustura erantzungo dizugu.
Ekonomia Kritikoak aurten aldaketak dauzka. Testu guztiak zorrari buruzkoak dira: antropologiatik, teoria ekonomikotik, feminismotik, ekologiatik, klasikoetatik. Hemen ikus ditzakezu hautatutako irakurgaiak. Testu bakoitza taldeko kide batek aurkeztuko du, 20-30 orrialdeko testuak dira. Autoformazio talde bat gara, ez duzu, beraz, zertan ekonomiari buruz jakin. Talde honek ahalduntzea du helburu. Anima zaitez. Testuak eskaneatuta nahi badituzu idatziguzu agenda@katakrak.net-era.
Subtitulo:
Komikiak (eta euskara) for dummies + Ekonomia Kritikoa
Seccion:
Irakurle taldea
Garai bat izan zen musikari herrikoiak lastozko panpinak zirela. Eszenatokira igo eta jo egiten zuten. Baten batek elkarrizketetan esaten zuen gatazka sozialen baten inguruan iritzi bat zeukala edo gerrarik ez zuela nahi. Baina ez zegoen osoko zuzenketarik haien abestien hitzeta, ekoizteko moduetan, forma artistikoetan. Horregatik, deigarria da Nacho Vegasen azken ekoizpenetako bat liburu polemiko baten hitzaurre bat izatea. Madrilen 2014an argitaratu zen Indies, hipsters y gafapastas: Crónica de una dominación cultural liburukoa hain zuzen. Liburu horren egile Víctor Lenore joan den udazkenean izan genuen, hain justu.
Ordutik Nacho Vegas bere kitarrarekin ikusi dugu Asturiesekko Etxegabetzeen Plataformako eta Altu la Lleva abesbatzakoekin Xixongo Cajasturren bulego batean.
Larunbatean, Zentral antzokiko kontzertuaren aurretik musikari eta eraldaketa sozialari buruzko eremuaren inguruan hitz egingo digu.
Subtitulo:
Nacho Vegas: musikari bat, ez gehiago ezta gutxiago ere
Seccion:
Asteko ekitaldiak
Hiru liburu aurkezpen dauzkagu asteon.
Asteazkenean Xavier Uriarte izango dugu: 26 urtez egon da minbizia zuten gaixoak euren prozesuan laguntzen.
Ostegunean Carlos Sánchez Mato ekonomialariak Bancocracia aurkeztuko digu, berak idatzi zuen Eric Toussainten hitzaurrea. Egilea ATTACeko kidea izateaz gaien egun ekonomia jorratzen du Madrilgo Udal berrian. Ekitaldia Nafarroako ATTACek antolatu du.
Ostiralean Manuel Villegas izango dugu El proceso de convertirse en persona autónoma Fermín Luquinekin batera.
Subtitulo:
Liburu aurkezpenak: Xavier Uriarte + Carlos Sánchez Mato + Manuel Villegas
Seccion:
Irakurle taldea
Ostegunean 20:30ean ardotegiko altzari berria inauguratuko dugu. Abuztuan aldatu genuen eta aukera polita izan daiteke, pintxoak lagun, urriak 29an hasiko den ardoen inguruko hileroko zikloa zabaltzeko.
Subtitulo:
Ardotegiaren zabaltzen jaia berriz ere
Seccion:
vinoteca
Imagen:
21/09/2015
Cuerpo:
,
,
,
Aste honetan izango da Erri de Lucaren aurkako epaiketa. Tribunalak 8 urteko hilabete zigorra ezarri nahi dio Italiako Susa bailarako AHTaren aurkako dagoen idazleari. Epaiketari erantzuteko autoreak La parola contraria (Kontrako hitza) idatzi zuen, iritzi askatasunari buruzko saiakera ttiki bat. Oso gogoeta gomendagarria.
Joan den astean aurten izango ditugun bi irakurle talde aurkeztu genizkizuen. Datorren astean aurkeztuko dizkizuegu prest dauzkagun beste biak: Ekonomia kritikoa eta Komikiak (eta euskara) for dummies.
Gaur bestelako albiste gozo bat aurkeztuko dizuegu. Hemendik aurrera etxera eraman ditzakezu gure kantinako etxeko opilak: browniak, pastak, bizkotxoak, euskal pastela, magdalenak. Baita Lakabeko gailetak ere bai. Behar bereziak badauzkazu esaguzu aurrez eta behar dituzun adina bizkotxo egingo dizkizugu.
Gainera ikasturteko lehenengo ikastaroa aurkeztu nahi dizugu: hilerokoaren zikloari aplikatutako yogari buruzko ikastaro bat Rosa Paradelaren eskutik.
Mitokondriak-eko Rosa Paradelak ikastaro bat eskainiko du Katakraken. Ekitaldi guztiak aurkezteko ostegun honetan, hilak 24, 20etan eta urriak 16an 19etan hitzaldi bat eskainiko du.
Osotara 10 saio eta tailer trinko bat egingo ditu, hemen ikus ditzakezu saio guztien egunak eta orduak. Argibide gehiago nahi badituzu, edo izena emateko onena ostegunean etortzea da, bestela idatzi ciclomenstrual@katakrak.net helbidera.
Subtitulo:
Yoga eta hilerokoaren zikloa
Seccion:
Actos
Liburu dendan daukagu jada Pikara magazine aldizkariaren hirugarrena eta ostegunean, hilak 24, 18etan aldizkariko egileak izango ditugu aurkezteko.
Subtitulo:
Pikara magazine 3
Seccion:
Irakurle taldea
Datorren astelehenean - zeure agendan gorde dezazun aipatzen dizugu - bi hitzordu interesgarri izango ditugu.
17:30ean Temps de CanVi(e)s dokumentalaren egileak izango ditugu Bartzelonatik etorriak. Dokumentalean, besteak beste David Fernández, Elba Mansilla edota Ferrán Aguilók hartzen dute parte.
19:00etan Irune Sarabiak uda honetan Palestinan izan dituen bizipenak kontatuko dizkigu.
Zabaldu ekitaldi hauen berri interesa izan dezakeenari. Zu zara bozgorailurik onena.
Subtitulo:
Can Vies + Palestina
Seccion:
Asteko ekitaldiak
Imagen:
14/09/2015
Cuerpo:
,
,
,
Bai. Heldu dira. Aurten ere lau irakurle talde izango ditu Katakrakek. Urritik aurrera, hilean behin. Badakigu badakizula, baina taldeotara etortzeko bi baldintza bete beharko dituzu: liburuak irakurri eta entzun eta hitz egiteko gogoekin etorri. Etorri bazinen itzuliko zara agian, ezagutzen ez baduzu anima zaitez, elkarrizketarako eta testuak komunean jartzeko topaleku goxoa.
Asteon bi aurkeztuko dizkizugu.
Hileroko poesia talde honen bigarren ikasturtea izango da. Munduko poesia, 1915en eta 2015en artean idatzitako testuekin. Poesiako izen handiak izango dituzte aurten: Edgar Lee Masters, Paul Valéry, Anna Ajmátova, Alejandra Pizarnik, Sylvia Plath, Juan Carlos Mestre, Chantal Maillard, Adam Zagajewski eta Charles Simic. Informazio gehiago hemen.
Subtitulo:
La casa roja: ehun urteko poesia
Seccion:
Irakurle taldea
Hileko azken ostiraletan 20etan hasiko da Irakurle taldearen laugarren ikasturteea. Nobelak, ipuinak, poema liburuak eta saiakera bat. Aurten errusierazko (Dovlatov), ingelesezko (Steinbeck, Woolf, Sexton, Mac Cain), arabierazko (Xukri), alemanezko (Kaminer, Bachman), serbo-kroazierazko (Kis) eta portugesezko (Lispector) izango ditugu. 6 gizon eta 4 emakume XX. eta XXI. mendekoak. . Informazio gehiago hemen.
Subtitulo:
Irakurle Taldea: munduko narratiba eta gehiago
Seccion:
Irakurle taldea
Diadaren eta Printzipateko hauteskundeen artean etorriko da Jaume Lopez, ostegun honetan 19etan. Pompeu Fabra Unibertsitateko politologoa da eta Martxelo Otamendi, Ibai Fernandez eta Susana Erroz kazetariekin batera egongo da.
Subtitulo:
Jaume Lopez: Kataluniaz jakin nahiko zenukeen guztia
Seccion:
Actos
Imagen:
07/09/2015
Cuerpo:
,
Akaso gogoan dauzkazu 2014an argitaratu genituen Irakurketa ibilbideak. Genero ezberdinetako liburuen hautaketak gai bati buruzko funtsezko testuak irakurri edo sakontzeko. Hau dena Iruñerriko garraio publikoaren estetikaren aitzakiarekin. Bada ekimen honi bultzada eman diogu 2015erako hautaketa berri batekin, berriz ere The Balde aldizkariarekin elkarlanean.
Lehenengo ibilbidea Mundua hankaz gora da: erdi aroaren eta Frantziako iraultzaren arteko errebolta eta eraldaketei buruzko liburuen bilduma bat. Bigarrena Irensteko bulkada da eta apetitoari buruzko sail bat dakarkigu: komiki pornoetatik antropologia liburuetara, errezeta liburuetatik autoen piezak jaten dituzten pertsonaiak dituzten eleberrietara. Laugarrena Zientzia eskura da, Carl Saganen zaleentzako ibilbide bat: jakitearen plazare, ikertzearen eta zeure burua harritzeari buruzko ibilbide aberatsa. Genero eta zailtasun asko, aniztasunean. Bederatzigarrena Txina pentsagai da eta txinatar unibertsoa zabaltzen digu: harreman diplomatikoei buruzko liburuetatik prostitutek idatzitako poema bildumetara, nobeletatik Asian girotutatko antzezlanetara. Yuanfang Magazineko gure burkideek osatutako hautaketa, egunero Asiaren berri izan nahi baduzu jarrai itzazu sarean.
Gainera, ibilbideok bazkalorduan ere ikusiko dituzu, otordu bakoitzean horietako bat izango delako zure mantela. On egin beraz!
Ostiralean 19etan gurekin izango dira Maestro, Lasheras eta Fernández aurtengo lehenengo liburu aurkezpenean. Askoren artean idatzitako liburu honetan - hizlariez gainera - honako egileek hartu dute parte: Ángeles Diez Rodríguez, Begoña Zabala, Constantino Bértolo, Carlos Tena, Carlo Frabetti, Alberto Cruz, Eduardo Hernández.
Aukera ederra boterea hartzearen gaineko gogoeta egiteko.
Subtitulo:
Ángeles Maestro, Amparo Lasheras, Javier Fernández «Cuando el pueblo se organiza»
Seccion:
Irakurle taldea
Imagen:
31/08/2015
Cuerpo:
,
,
,
,
«Loreek iraileko koloreak daramatzate jada» Barbara abeslari paristarrak zioen bezala. Loreak dira Greziako estatuko erakundeen zilegitasun galeraren lekuko. Loreak daude duintasunaren bila Europara datozen errefuxiatuen galga izan nahi duten alanbre-arantzadunen artean. 27 uda joan dira ere Euskalerria irratiak lizentziarik izan gabe eta udagoienaren ateetan eskuratu dute zegokiena.
Iraileko loreekin eztabaidak, aisialdia, janaria eta edaria, formazioa, liburuak itzuliko dira. Aurten arrakasta izan duten zikloak izango ditugu ostera ere –irakurle taldeak, ardo dastatzeak, ekoafariak– eta orain arte egin gabekoak izango ditugu, formakuntzan bereziki. Hementxe kontatuko dizuegu, astero, eta sare sozialetan eta harrera egingo diguten komunikabideetan.
Jada ez dago mahairik liburu dendako sarreran. Askok ikusi duzue jada. Orain, eskailerak igotzean itsasontzi baten branka dago, Alejo Carpentierren El siglo de las luces eleberrikoa izan zitekeen, inprenta eta gillotina eraman zuen hura. Edo Richard Wagnerren belaontzi mamua izan zitekeen. Edota Iñigo Aranbarriren Zamaontziko Serenity Star matxuratutako ontzia, hilabete luzez hamalau marinel barruan izan zituena.
Pasabidearen bestaldean, Nafarroa Garaiko ardo ekologikoak, dagozkien apal txukunekin.
Zurgintza lan berri hauekin kantinatik liburu dendara igarotzea errazagoa izango da, bertatik areto nagusira igotzeko. OSB materialarekin egin ditugu, Europa erdialdean kaleko lanak estaltzeko erabili ohi dute materiala. Chocarro arkitektuarekin pentsatu dute liburu saltzaileek eta Joseba Burusko zurginak exekutatu du.
Subtitulo:
Altzari berri bat
Seccion:
Asteko ekitaldiak
Joan den ikasturteko joerak ikusita, apur bat aldatu ditugu zabaltzeko eta isteko ordutegiak. Kantina apur bat beranduago zabalduko duko, 10etan. Eta zabalik egongo da 23ak arte txigorki goxoekin astelehenetik asteazkenera eta afariekin ostegunetik larunbatera.
Liburu denda kantinarekin batera zabalduko da. Gainera, ez dugu eguerdietan itxiko, 10etatik 21etara zabalik etenik gabe.
Subtitulo:
Ordutegi berriak
Seccion:
Asteko ekitaldiak
Antzinako tomateari buruzko azoka eta ekitaldi zenbait antolatu dira gure hirian. Horietako hiru ekitaldi Katakraken izango dira. Lehena ekoafari tomate-dastaketa hau. Bigarrena, larunbatean espreski egindako pintxo batekin, hirugarrena 10ean 19:00etan hitzaldi bat.
Gogoan izan, etorri nahi baduzu kantina@katakrak.net-en izena ematea.
Subtitulo:
Ekoafaria: antzinako tomatea
Seccion:
vinoteca
Autoedizio jaialdi bat egingo dute Jazarren irailak 11 eta 12an. Jaialdiaren aurkezpena ostegunean 19etan.
Subtitulo:
Pumpk! jaialdiaren aurkezpena
Seccion:
Irakurle taldea
Imagen:
27/07/2015
Cuerpo:
,
,
Zin egin genuen eta itzuli gara. Oporren ostean zabalik dago, ostera, Katakrak. Iruñerriak udan duen martxara moldatua, gaur –uztailak 27– zabaldu ditugu kantina eta liburu denda. Eta ordutegi hori bera izango dugu uztaileko azken aste honetan eta abuztuan. Liburu denda 12etatik 20etara ordutegi jarraian.
Kantinan, kafeez eta garagardo artisauez gain –Txela etxeko garagardoak oso harrera ona izan zuen Sanferminetan– udako menua izango dugu: 3 entsalada, 3 katilu eta 3 azkenburuko aukeran. Ostiral eta larunbat gauetan, afaltzeko ogitartekoez gain 4 hanburger: txahalkia, oilaskoa, veganoa eta izokina.
Subtitulo:
Elikatu eta edan
Seccion:
vinoteca
Badakigu badakizula. Baina liburu dendan, funtsaz gain, nobedade hautatuak dauzkagu, aldizkariak, Potemkin Filmotekako funtsa alokagai, eta nola ez, argitaletxe gonbidatuak. Bigarren solairuan katalogoak osorik: Blackie Books, Acantilado, Anagrama Compactos, Minúscula, Impedimenta, Pasado y Presente, Ediciones del viento eta Capitán Swing. Zatoz ikustera!
Subtitulo:
Udako irakurketak
Seccion:
Irakurle taldea
Imagen: