Joan den astea mugitua izan zen liburuaren eguna tarteko. Egun eguzkitsua izan zen eta jendeak hautatu zituen liburuekin jendearen kezkak nabarmendu ziren.
Aste hau beterik dator egun bat gutxiago badu ere. Ostiralean atea itxita izango dugu, Arestik bezala: maitatzen dugulako lehen maiatza, delako pertsonen anaiatza. Ostantzean ekitaldi asko eta gainera egunerokotasun gozoa kafe batekin, garagardo artisauarekin, poema liburu batekin edo eguerdiko menu goxoarekin.
Horrez gain, adi egon datorren asteari ere, maiatzak 4an Comicreando aurkeztuko digu Iñaki Redin "Popi"k: hezkuntza proiektu xinple eta sofistikatu bat. Anari ere etorriko zaigu bere azken diskoari buruz solastu eta 5 kanta jotzera prentsari aurkeztu aurretik. Ibone Olzak ere hitzaldia eskainiko du lotura afektiboei buruz.
Baina goazen astiro, apirila ez dugu atzean utzi.
Pero no nos precipitemos, que antes tiene que terminar abril.
27/04/2015
Cuerpo:
,
,
,
,
Astelehenean 19etan Ion Arretxe eta Aitor Merinok Intxaurrondo eleberria aurkeztuko dute.
Bide batez, kontuan izan astearteko Antonio Palomarren liburu aurkezpena bertan behera geratu dela gaixo dagoelako. Ia etorkizunean egin dezakegun.
Subtitulo:
Liburu aurkezpena: Intxaurrondo
Seccion:
Irakurle taldea
Ostegunean 19etan Humberto Bustince izango dugu gurekin datu digitalen kudeaketa aztertzeko. SMS bat bidaltzen dugunean, geure osasunaren historia begiratzen dutenean osasunetxean, bankuko operazioak egiten ditugunean, txartelarekin ordaintzen dugunean, datu mendiak sortzen ditugu, datu horiei guztiei deitzen zaie Big Data.
Subtitulo:
Humberto Bustince: Big Data
Seccion:
Asteko ekitaldiak
Asteazkenean 21etan Elikadura onerako ekoafaria egingo dugu. Katakrakek lan egiten du produktu ekologiko eta gertukoekin, ekoizle ekologikoekin erlazio zuzenak indartuz eta sareak sortuz. Elikadura subiranotasunaren aldeko apustuak ondokoa bermatu behar du: interes pribatuen gainetik elikadura eta lurrari errespetua bermatzeko eskubideak eta behar kolektiboak daudela. Ongi jatearen bio-topaketak ekimen berria dira, eman izena kantina@katakrak.net helbidean.
Ostegunean 20:30ean, ardandegian Azul y Garanzak dastatzea eskainiko digu. Bardeetatik zuzenean. 8€ko prezioan. Eman izena aurretik ardotegia@katakrak.net helbidean.
Subtitulo:
Elikadura onerako ekoafaria + Dastatzea: Azul y Garanza
Seccion:
vinoteca
Asteazkenean 19etan Nafarroako Hitzak eztabaida antolatu du Nafarroak euskaraz bizi nahi du lemarekin.
Ostegunean 20etan bilera gelan Komikiak (eta euskara) for dummies taldearen hileroko hitzordua izango da. Klasiko baten txanda: Asterix eta Obelix. Album zirraragarri bat, adin guztietarako umorearekine eta ilustrazio mitikoekin.
Subtitulo:
Mahai ingurua + Komikiak for dummies
Seccion:
Actos
Imagen:
20/04/2015
Cuerpo:
,
,
,
,
,
,
Bi idazle garrantzitsuren heriotzak markatu zuen joan den hastearen hasiera. Eta ehundaka afrikar Europara sartzen saiatzen hasi da aste hau. Bigarrenak gogoeta eta eraldaketa ekonomiko sakonak eskatzen ditu. Eta seguru Eduardo Galeanoren eta Günter Grassen lanek horretan lagunduko digutela. Biak izan ziren zorrotzak haien kontagintzan eta posizio publikoetan munduan makal doazen injustizia eta desorekekin.
Liburuaren nazioarteko eguna izango da ostegunean apirilak 23. Urtero bezala goizeko 10etatik 21etara Karlos III.aren eta Orreaga etorbidearen artean egongo den azokan urteko hautaketa onena, nobedadeak eta funtsa izango dugu %10eko deskontuarekin.
Horrez gain ekitaldi sorta izango dugu astero bezala: liburu aurkezpenak, poesia errezitaldia, kontzertua, hauteskunde aurreko giroari lotutako eztabaidak (oinarrizko errentari buruz eta AHTari buruz). Gainera hileroko laugarren ostiral eta larunbatetan bezala Irakurle Taldearen eta Ekonomia Kritikoaren txanda izango da Camillerirekin eta Hollowayrekin.
Gogoan izan ekitaldiok zure inguruko lagunei interesatzen bazaizkie komentatzea.
Asteartean 19etan Andrés Herrerak España y China (1973-2005) liburua aurkeztuko du. Doktoretza tesia egin zuen gai horri buruz Herrerak eta Josep Fontanaren hitzaurrea dakar.
Ostiralean 19:30ean Conchín Fernándezek Querido Noah aurkeztuko du.
Subtitulo:
Liburu aurkezpenak: Andrés Herrera + Conchín Fernández
Seccion:
Irakurle taldea
Astelehenean 19etan Oinarrizko Errenta Unibertsalaren aldeko plataformak mahai ingurua antolatu du. Bertaratuko dira EH Bildu, Equo, Geroa Bai, Izquierda-Ezkerra eta Podemoseko kideak.
Asteazkenean 19etan Iruñea Askatasunezek deituta eskubide zibilen inguruko eztabaida antolatu dute Edurne Egino, Joseba Asirón, Itziar Gómez eta Ana Lizoainekin.
Ostegunean 19etan Sustrai Erakuntzak mahai ingurua deitu du Nafarroak AHTarekin egin behar duenari buruz eztabaidatzeko. EH Bildu, Equo, Geroa Bai, Izquierda-Ezkerra, PP, Podemos eta UPN gonbidatu dituzte.
Subtitulo:
Hauteskunde aurreko eztabaidak
Seccion:
Asteko ekitaldiak
Ostiralean Irakurle Taldearen txanda izango da, Andrea Camilleriren Uraren forma (Igela) izango da hizketarako aitzakia, Montalbano detektibe alprojaren lehenengo abenturen liburua.
Larunbatean Kapitalaren aurka eta haratago liburuaren txanda izango da Ekonomia Kritikoan, ez dira asko ekonomiari buruz euskaraz irakurgai dauden testuak, ihaz itzuli zuten liburu hau.
Subtitulo:
Irakurle Taldea + Ekonomia Kritikoa
Seccion:
Irakurle taldea
Oier Gonzalez (Durango) eta Markel Ormazabal (Donostia) preso ohiek beraien gaztaroko zati garrantzitsu bat igaro dute kartzelan. Olerki saio musikatu honetan, beraien bizitzako etapa horretaz dihardute.Physis versus Nomos banda bakarlariak lagunekin jotzen du orain eta folk psikodeliko elektrikoa egiten dute. Musika lasaia. Hemen entzun ditzakezu doinuak etorri aurretik: http://physisversusnomos.bandcamp.com
Subtitulo:
Kartzelari buruzko errezitaldia
Seccion:
Actos
Beer Kupelak antolatuta honako garagardoen dastaketa: Bidassoa Basque Brewery etxeko Mugalari American Pale Alea, Garagart etxeko Gorritxo Amber Alea, Lau Gar etxeko Kiskale Brown Alea eta Ancora etxeko Pirate Smoke Stouta.
Izena emateko idatzi gargardotegia@katakrak.net helbidera.
Subtitulo:
Garagardo dastaketa
Seccion:
vinoteca
Azken hamarkadetan ekonomian egon den pentsalari garrantzitsuenetakoa da Miren Etxezarreta irakaslea. Pentsioen gaia jorratu du asko eta Bartzelonako Unibertsitate Autonomoko irakaslea da eta Taifa Ekonomia Kritikoko Mintegiko kidea.
Ipar-Hegoa fundazioak antolatutako ekitaldia.
Subtitulo:
Miren Etxezarreta: Kapitalaren erasoa
Seccion:
Actos
Imagen:
13/04/2015
Cuerpo:
,
,
,
,
Aste estrainio baten ostean (irakaskuntzaren munduko lagun askok izan ditu oporrak) egunerokotasuna itzuli da kale Nagusira. Egunotan lagun askoren bisitak izan ditugu, Araba eta Gipuzkoako tuiterlari ezagunak etorri zitzaizkigun, adibidez. Baina urruneko lurretatik ere ardoa ekarri dugu. Terra Altatik Hannibal Smithek ardo beltza eta zuria ekarri zigun Labrunet de Frisach ardo ekologikoa eskuragarri duzu ardandegian.
Apirilak 23a aurki dator, liburuaren eguna, eta apirileko bigarren hamabostaldiko geure agenda indartsu dagoela ikusiko duzu. Nabarmendu nahi dugu asteartean 19etan Ixiar Rozas etorriko dela Oskar Alegriarekin Beltzuria liburu berria aurkeztera. Asteazkean 19etan Eric Toussaint ekonomialariaren txanda izango da, bera da Greziako Gobernuaren eta Europako Batasunaren arteko zorra negoziatzen duenetako bat. Larunbatean Miguel Urbanek eskuin muturra Europan izaten ari den igoerari buruzko liburua aurkeztuko du. Gainera hileroko La Casa Rojaren hitzordua izango da Almudena Vidorretaren Días animales liburuarekin. Horrez gain, datorren asteartean Andrés Herrerak Espainia eta Txinaren arteko azken hamarkadetako harremanak aztertu dituen liburua aurkeztuko du, Josep Fontanaren hitzaurrea dauka. Eta ostiralean Miren Etxezarreta ekonomialari mitikoak kapitalaren oldartzeari buruz hitz egingo du.
2014ko udazkeneko liburu sonatuenetako bat izan da Ixiar Rozasek idatzitako Beltzuria. Asteartean 19etan gurean aurkeztuko du Oskar Alegriaren laguntzarekin.
Subtitulo:
Ixiar Rozas eta Oskar Alegria: Beltzuria
Seccion:
Irakurle taldea
Eric Toussaint mundu mailako erreferente bat da zorrari eta nazioarteko finantza erakundeei buruz. Asteazkenean Patxi Zamora (Kontuz!) eta Igor Arroyo (LAB) izango ditu lagun, Nafarroako zorraren gaia azalduko dute labur.
Ekitaldia Hitz & Hitz fundazioak antolatu du.
Subtitulo:
Eric Toussaint Greziaren eta Europaren zorrari buruz
Seccion:
Asteko ekitaldiak
Larunbatean 19etan Miguel Urbanek Europako eskuin muturrari buruzko liburua argitaratuko du. Lerroburu askotan azaltzen dira Fronte Nazionalak Frantzian izan dituen emaitzak edo PEGIDA mugimenduak Alemanian duen indarra.
Subtitulo:
Miguel Urban Europako eskuin muturrari buruz
Seccion:
Irakurle taldea
Aipatutako guztiaz gain astelehenean 19etan Batzorde Errepublikazaleak bigarren eztabaida antolatu du. Honakoan Espainiako estatuak eta Europako Batasunak duten erakunde krisia izango da gaia. EH Bilduko, Izquierda-Ezkerrako eta Podemos-Ahal duguko kideak azalduko dira.
Ostiralean 17:30ean Eider Pachecok hilekoari, menopausiari, menarkiari eta haurdunaldiari buruz hitz egingo du.
Ostiralean 19etan bilera gelan La Casa Roja taldekoak batuko dira Almudena Vidorretaren liburuari buruz solasteko.
Subtitulo:
Eztabaida errepublikarra + Tienda Roja + Almudena Vidorreta
Seccion:
Actos
Imagen:
30/03/2015
Cuerpo:
,
,
Asteazken gauean izerdi egin genuen Viana eta Mendabia artean, Korrikan. Lekukoak mezu bat zeraman euskararen politikotasuna nabarmentzen zuena, irtenbidea komuna izango dela, eztabaida publikoa izan behar dela. Mezuak testuingurua ematen die hizkuntza eskubideei, gainontzeko bazterketa sozialen mailan jartzen ditu, zapatistek egin zituzten zerrenda luzeen mailara: etxea, lurra, lana, ogia, osasuna, hezkuntza kultura.
Kirol jarduerez gain, Sánchez-Ostizen eta Ignazio Aiestaranen liburu aurkezpen intentso bat izan zen joan den astean: egunerokoez mintzatu ziren, Flaubertez, Sartrez. Gainera eztabaida intentsoak izan genituen irakurle taleetan Komikia (eta euskara) for dummiesen bizitzaz eta zahartzaroraz jardun zuten, Irakurle taldean zientziaz eta existentziaz, Ekonomia kritikoan aberastasunen banaketaz eta erreforma gaindituko duten proposamenen faltaz. Biurko Upategien dastatzea lasaia izan zen, zertzelada asko eman zituzten ardoen, nekazaritzaren eta dastamenaren inguruan.
Gogoratu nahi dizugu ostegunetik astelehenera itxita egongo garela, jai egunetan jai, larunbatean barne. Beraz, asteazkenean, afariak izanen ditugu, entsaladak, arrazioak, ogitartekoak, etxeko azkenburuko goxoak. Asteartean itzuliko gara. Ez ahaztu jai egunetarako zelulosa kopuru egokia hartzea. Asteroko hautaketan gertu ekoiztutako materiala daukazu: Sanduzelaiko Andrés Herrerak Bellaterran Espainia eta Txinak XX. mendean izan dituzten harremanak aztertu ditu sakonki; Burlatako Beatriz Chivitek poema liburua argitaratu du Araban; Txalapartak telesailen inguruko liburua argitaratu du Iratxe Fresneda, Josebe Iturrioz, Itziar Ziga, Irati Jimenez eta Katixa Agirreren testuekin; Emmanuel Rodríguezek Espainiako Erreinuko 1978ko erregimenaren fake demokratikoaz idatzi du (askotan aipatzen den gaia da, baina honakoan bateratze lan garrantzitsua egin du madrildarrak); egungo hizkuntzalari interesgarrienetakoa den Moreno Cabrerak ere liburu berria argitaratu du. Honakoa nobedadeen hautu txiki bat besterik ez da, askoz gehiago dauzkagu liburu dendako mahai eta apaletan.
Hilak 31 asteartearekin 19etan Mujeres en la Edad Media: actividades políticas, socioeconómicas y culturales liburua aurkeztuko du Cristina Pérez Galán egileak. Funtsezko gai bat a priori historiko asko eraldatzen hasteko.
Ez dugu normalki nabarmentzen baina liburu honek oso prezio eskuragarria dauka.
Subtitulo:
Emakumeka Erdi Aroan
Seccion:
Asteko ekitaldiak
Martxoak 30ean 19:30ean Juako Escasok Todo que ganar liburua aurkeztuko du.
Apirilak 7an 19etan Batzorde Errepublikarrak eztabaida antolatu du krisi sozialari eta ekonomikoari buruz Ezkerrako, EH Bilduko eta Podemoseko kideekin.
Subtitulo:
Juako Escaso + Eztabaida errepublikazalea
Seccion:
Actos
Imagen:
23/03/2015
Cuerpo:
,
,
,
,
,
Miren Peñaren suizidioarekin hasi da udaberria. Faureciak kaleratu zuen, aurrezki kutxak etxegabetze bidean jarri zuen. Gertu eta urrun lehertzen den egiturazko indarkeria, Borroka klubari arrazoia eman eta kentzen diona bagarelako geure lana, bagarelako geure kontu korrontea, bagarelako daukagun kotxea, badugulako geure txanpon zorroak daukana, bagarelako geure prakak, munduaren gorotz kantaria eta dantzaria garelako.
Garen horrekin guztiarekin joango gara asteazkenean Korrikaren 1587. kilomentrora ere: Viana-Mendabiara. Katakrak Liburuakek 80 km/ orduko baino motelago ibiltzeko gomendioa egiten duen panel batean dauka kilometroa. Ez gara hain azkar joanen. Bertaratzeko 21:00etan gelditu gara kale Nagusian, animatzen bazara esaguzu garraioa koordinatzeko. Mozorrotuta bazatuz are hobeki.
Joan den astean La Casa Roja taldean Szymborskaren txanda izan zen. Solasaldi interesgarria, pasiozko bi ordu poesiaren, itzulpenaren, edukiaren eta itxuraren inguruan solasteko. Almudena Vidorretaren txanda izango da hurrengoan, apirilaren hondarretan.
Aste hau indartsu hasiko da Sánchez-Ostizekin eta indartsu bukatu 3 irakurle taldeekin.
Lehenengo saioaren arrakastaren ostean Zimurrak liburua irakurriko dute Euskara (eta komikiak) for dummies taldean. Paco Rocak idatzi eta Astiberrik 2014an argitaratu zuen Bego Montorioren itzulpenarekin zahartzaroa ardatz duen lana.
Ostiralean Irakurle Taldean Ia denaren historia labur bati buruz solastuko dira. Bill Brysonek idatzi eta Elhuyarrek euskaraz argitaratua zientzia dibulgazioaren liburu ezagunenetakoa da.
Larunbatean Ekonomia Kritikoa taldean Pikettyren azken liburuko hitzaurrea eta Ekonomia gaur pasarteari buruz jardungo dugu.
Gogoan izan taldeotara nahai duzunean bertara zaitezkela. Ez duzu inon izenik eman behar, liburuak irakurtzea da baldintza bakarra, eta solasteko gogoz etortzea, noski.
Subtitulo:
3 irakurle talde: Komikia, Irakurle Taldea, Ekonomia Kritikoa
Seccion:
Irakurle taldea
Astelehenean 19:00etan Sánchez-Ostizek A trancas y barrancas (Pamiela 2015) aurkeztuko du Ignazio Aiestaran filosofoarekin batera.
Subtitulo:
Sánchez-Ostizek bere azken liburua aurkeztuko du
Seccion:
Irakurle taldea
Anima zaitez eta zatoz asteazkenean 21etan Katakrakera. Kotxez eta furgonetaz joanen gara 1587. kilometrora, Viana eta Mendabia artean dagoen 80km/ orduko panel batean hasiko gara tipi tapa tipi tapa.
Gogoan izan kilometroa finantzatu eta AEK laguntzeko pare bat pote daudela kantinan.
Subtitulo:
Korrikako 1587 kma
Seccion:
Asteko ekitaldiak
Ostegunean 19:30ean hileroko ardo dastatzea izango du Bargotako Biurko upategietako Ramonekin. Gogoan izan ardotegia@katakrak.net-en edo 948 225520an zeure plaza gordetzea.
Subtitulo:
Biurko upategien ardo dastatzea
Seccion:
vinoteca
Asteartean Errepublikazaleen Batzordeak 19:00etan demokraziaren solasaldiari buruzko hitzaldia antolatu du.
Asteazkenean 18:30ean Goienerrek asanblada irekia egingo du.
Subtitulo:
Ekitaldi gehiago
Seccion:
Actos
Imagen:
09/03/2015
Cuerpo:
,
,
,
,
Martxoak 8arekin amaitu zen joan den astea: Kurdistanetik etxeko egongelara aldatu behar da mundua. Ospatzeko eta aldarrikatzeko duela urte bete argitaratu genuen irakurketa ibilbidearen sareko bertsioa estreinatu genuen. Hemen ikus dezakezu. Gainera, jakizu aurki helduko direla hurrengo 4 ibilbideak.
Nor ote da brownie bat jaten ari den argazkiko gizona? Atzo kontzertua eskaini zuen The Coup taldeko Boots Riley, joan den astean El País egunkariari esan zionez beltza eta komunista da. The Coupek zapalkuntza patriarkalaz, maitasunaz, janari azkarraz edota aberatsen kokaina parrandez hitz egiten du besteak beste, flow askorekin. Coca-Colako langileekin elkartasunean ez da edaria saldu beraien Espainiako Erreinuko kontzertuetan. Riley burkideak atzo nabarmendu zuenez mundua ez da kantekin aldatzen, mundua eraldaketarekin aldatzen da, baina egia da abestiak iparorratzak izan daitezkeela.
Aipamen musikal honen ostean afera praktikoago bat. Joan den astean, ezustean, dei bat jaso genuen, uztailak 6ko hamaiketakoa erreserbatzeko hots egin ziguten. Ez genuke alarma piztu nahiko baina gogoan izan ostiral-larunbatetako bazkariak eta ostegun-ostiral-larunbatetako afariak erraz betetzen direla. Lasaitasuna gailen dadin erreserbatu aurrez otorduak.
Ostiralean 19etan: Liburu aurkezpena autorearekin. Nafarroako Metaziri argitaletxearen azken argitalpenak egun gizartean daukagun gogoeta zentraletako bat jorratzen du.
Hala deskribatzen du liburua argitaletxeak berak: Patriarkatuaren menpean, heteroseximoaren munduan hazi eta hezitako gizon belaunaldi batzuei buruzko ideia andana ageri da liburu honetan, Euskal Herrian sexismoa eztabaidatzeko eta jendarte justuago eta berdintsuago baten alde lan egiteko azken hamarkadetan antolatu diren gizon taldeen bizipen zuzenetatik ateratako ondorioak. Gizonok gure artean sortzen dugun indarkeria eta, batez ere, emakumeekikoa murrizteko tresna eraginkorra izan nahi du liburuak. Nolanahi ere, ez da liburu itxia ala osoa, izan ere, gure pentsamendua gehiago sakondu eta garatu beharreko arlo andana bada oraindik, bai personal mailan zein talde mailan.
Subtitulo:
Xabier Odriozola «Gizonezkoen sexismoa, maskulinotasuna eta askapena: berdintasunerantz»
Seccion:
Irakurle taldea
Asteartean 19etan J. V. Barcia kazetaria eta eredu energetiko berri baten aldeko plataformako kideak, Alta Tensión liburua aurkeztuko digu, gaur egungo ereduaren ondorioak azaldu eta eredu energetiko jasangarri, demokratiko eta herritar bat proposatuz.
Gaur egungo eredu energetikoak mundu osoan eragiten du, gizarte zein sektore guztietan. Energia baliabideen kontrol geoestrategikoa da giza eskubideen urraketa handienak sortzearen arrazoi nagusia eta hurbilen daukaguna txirotasun energetikoa da. Enpresa handien esanetara dauden tokian tokiko gobernuen erabakiek, ezustekoak diren klima aldaketak pairatzera kondenatu du gure planeta. Gero eta gehiago dira, gogoeta kritiko eta erradikal batetik, eredu energetiko berri bat eskatzen duten pertsona eta erakundeak: jasangarria, tokian tokikoa, demokratikoagoa, berriztagarria, iraunkorra eta eskuragarria.
Subtitulo:
«Alta tensión» liburuaren aurkezpena
Seccion:
Irakurle taldea
Asteazkenean 19etan Myriam Gómezek moderatuko du Yayo Herrero Ecologistas en Accióneko kidearekin solasaldia. Eztabaida gaur egungo gizarte mugimenduei buruzkoa izango da. Zein paper jokatu behar dute gaur egun, nola gauzatu behar da komunikazioa gaur egun, zer harreman izan behar ditugu botere publikoekin eta mugimendu politikoekin.
Ezkerraberri fundazioak antolatutako hitzordua.
Subtitulo:
Yayo Herrero: Mugimendu sozialak munduko krisiaren aurrean
Seccion:
Actos
Ostegunean 19etan. Aldaketaren aldeko batzarrak antolatutako eztabaida. Parte hartzaileak: Txema Mauleón (Izquierda-Ezkerra), Rebeca Remiro (Equo), Adolfo Araiz (EH Bildu), Uxue Barcos (Geroa Bai) eta Laura Pérez (Podemos) eta moderatzailea Pilar Hurtado izango da.
Eztabaida gaztelaniaz izanen da.
Subtitulo:
Nafarroa 2015: Erabakitzeko eskubidea
Seccion:
Actos
Imagen: