Abenduaren 5etik 8ra mendebalde urrunera itzuliko gara, urtero dugunez, Azokara urteko nobedade guztiekin. Beraz, egiguzu kuku, Artekalen izango gaituzu, 78-79an.
Aurten euskaraz argitara eman ditugun zazpi liburuetatik bost aurkeztuko ditugu Ahotsenean. Ostiralean, abenduaren 6an 19:30ean Silvia Federiciren MUNDUA BERRIZ LILURATUZ. Abenduaren 7an 18:30ean Eva Illouzen ARIMAREN ETORKIZUNA Danele Sarriugarte itzultzailearekin, 19:00etan Ryszard Kapuscinskiren KRISTO FUSILAREKIN Amaia Apalauza itzultzailearen eta 19:30ean Nanni Balestriniren DEN-DENA NAHI DUGU Fernando Rey itzultzailearekin. Igandean, 8an, Barbara Ehrenreich eta Deirdre Englishen SORGINAK, EMAGINAK ETA ERIZAINAKen txanda izango da.
Horretaz gain gaztelaniazko nobedade guztiak izango ditugu, EL ODIO COMO POLíTICA, besteak beste.
Ez bazatoz, egon lasai, kale Nagusia prest daukagu neguko solstiziorako.
Gutxitan izaten ditugu hain solasaldi osatuak. Eskuin-muturraz, Espainiako higiezinen burbuilaz... entzun Isidro Lopezen hitzaldia.
Irati Majuelok iruzkina egin zion Barbara Ehrenreich eta Deirdre Englishen SORGINAK, EMAGINAK ETA ERIZAINAK (Katakrak 2019) liburuari joan den igandeko BERRIAn.
NAIZ IRRATIAn elkarrizketa egin zioten Danele Sarriugarteri Eva Illouzen ARIMAREN ETORKIZUNA (Katakrak 2019) itzuli duela-eta.
Entzungai dauzkazu Geronimo de Ustariz Institutuak egindako zikloko bigarren mahai-ingurua zigorraz eta krimenaz eta hirugarrena Herrera de la Manchaz eta trantsizio politikoaz.
Eider Goiburu nerabezaroko genero indarkeriaz aritu zitzaigun.
Miren Ortubay kriminologoa zigor kodeaz eta indarkeria sexistaz aritu zen.
![](https://katakrak.net/sites/default/files/styles/blog_home/public/46314883_574731966285044_7245951512865353842_n_2.jpg?itok=dGbQ3xsk)
Urtea bukatu eta, Olentzerori begira ziurrenik, biderkatu egiten da liburuen argitalpena. Ziklo natural bat bezala. Eta hala aurkeztu genuen joan den astean KRISTO FUSILAREKIN, Ryszard Kapusćińskik kazetaritzari eman zion klasiko hura. Hala jaso zuen Amalur Artolak GARAn, hala Amagoia Gurrutxagak BERRIAn, así Maialen Ferreriak ELDIARIO.ESen eta hala BIZKAIE! agerkari digitalak. Bestetik, HITZEN UBERANek udazkeneko euskarazko lau nobedadeez idatzi berri du.
Baina ez denez azken nobedadea. Datorren asteazkenean 12:15ean Donostiako Liburutegiko sotoan aurkeztuko dugu Nanni Balestrini DEN-DENA NAHI DUGU Fernando Rey itzultzailearekin batera.
Joan den astea makal bukatu genuen Udalak Pirritx, Porrotx eta Marimotots zentsuratu zuela jakin genuelako. Astelehenean prentsaurrekoa eman zuten gurean afera azaltzeko: entzungai daukazu osorik. Gerora, ehunka haurrekin Udaletxe plazara arte joan ziren. Hala jaso zuen BERRIAk,hala AHOTSA.INFOk, hala GARAk eta hala DIARIO DE NOTICIASek.
Juan Carlos Fangacio Arakakik elkarrizketa egin zion irailan Peruko EL COMERCIO egunkarian AIRBNB, LA CIUDAD UBERIZADA liburuaren egileari.
Aspaldi aurkeztu genuen Eva Illouzen ARIMAREN ETORKIZUNA eta asteon jaso du BERRIAk Miren Garateren erreportaia.
Erreinuaren Gorteko hauteskundeen biharamunean hitz egin zuten June Sanmillanek eta Kike Martinek RADIO EUSKADIko Iflandian ekonomia sozial eta solidarioaz.
Tamalez, gure asteroko buletinean ezin ditugu jaso kale Nagusiko 54an gertatzen diren gauza guztiak.
Asteon, esaterako, Andoni Olariaga filosofoak Erlatibismoaren egiak (UEU) aurkeztu du eta Eider Goiburuk, Indarkeria sexistaren kontrako plataformaren gonbitearekin, nerabezaroko sexualitateaz eta biolentziaz hitz egin zuen.
25ean Soto Lezkairun eta Gaztelu Plazan elkar ikusiko dugulakoan.
![](https://katakrak.net/sites/default/files/styles/blog_home/public/whitagram-image_13_0.jpg?itok=JHNZsrEH)
Etxebizitza eskubidearengatik kezkatuta zaude? Bakardadearengatik? Abiadurarengatik? Aldaketa klimatikoarengatik? Desberdintasun sozialengatik? Agian loturarik gabeko galderak irudituko zaizkizu. Bada azaroaren 27an irakurle talde berri baten hasiera izango da: bi hilabetean behin hiriei buruz.
Juan Etxenike sukaldaritzaz eta kimikaz aritu zen EUSKALERRIA IRRATIAn.
María Martínek Ni por favor, ni por favora aurkeztu zigun duela aste batzuk eta orain entzun dezakezu.
Enrique Gavilánek medikuntzako bere lanari buruzko liburua aurkeztu zigun.
Iñaki Etxaniz, Geronimo de Ustariz institutuak gonbidatuta bere ikerketen berri eman zuen.
![](https://katakrak.net/sites/default/files/styles/blog_home/public/cyclist_goncharova_1913_0.jpg?itok=E2wEb7lc)
Srećko Horvatek liburu ederra egin du. Dibertigarria, aberatsa, anitza, txinpartarekin, politikari buruz eta film mordoarekin. Elkarrizketa ezberdinekin osatu du Alfie Bown Hong Kongo idazle eta kazetariak. Eta izan du bere harrera, jada hamarnaka liburu dendatan dago eskuragai.
Gainera, datorren azaroaren 14an Ryszard Kapuścińskiren KRISTO FUSILAREKIN aurkeztuko dugu Donostiako Liburutegiko sotoan Amaia Apalauza itzultzailearekin. Eta begiratu gure agenda, asteon kontzertuak (Abereh, Mikel Uraken) eta solasaldiak (El Salvador, violencia sexista) dauzkagu.
Ez ahaztu kuia coulant-a dastatu behar duzula: mundiala dago!
Luis Soldevilak eta Xabier Maeztuk itzuli zuten. Fermin Muguruzak egin zion hitzaurrea. Ia hiru urte joan dira eta MC Albertok iruzkin ederra egin dio SIGUE ADELANTEri HIP HOP LIFE MAGAZINE aldizkarian.
![](https://katakrak.net/sites/default/files/styles/blog_home/public/whitagram-image_10_0.jpg?itok=hncTp6pu)
Sei esku, hiru buru eta hiru valentziar bihotz dauzkagu Katakrakeko sukaldean. Eta nabarmena da. Usaindu daiteke. Eta jendea dastatzen hasi da. Klasiko herrikoiak, astean zeharreko eta larunbatetako menuak, atzerriko errezetak tokiko produktuekin, exotikoari uko egin gabe (bai, granada eta aguakatea jango duzu, adibidez).
Eta molde berriekin ere ari gara: Italiako sukaldaritza tradizionala, leihotik begiratu eta jakiak eguraldiaren arabera moldatzen ditugu (azken aldian oso zoro dago eguraldia, beldurgarria da), arratsalderako pintxo berriekin ari gara eta gozogintza fintzeari ekin diogu ere bai. Eta abendutik aurrera, neguko menu berezia itzuliko da (ADI, AURREZ GORDE!). Zentzuzko mestijaia, Mediterranioko ukituarekin.
Basa da, goxoa da: hasi da jokoa!
LA CREACIÓN DE LA CONCIENCIA FEMINISTAk interes handia sortu zuen ingelesez argitaratu berritan. Ikerketa mardula zuen, eta xehe egindako azterketak, hala jaso zuen 1993ko THE NEW YORK TIMESen liburuen gehigarrian Katherine Gill-ek.
Joan den astean IZUAREN OSTEKO GOGOETA (Katakrak 2019) aurkeztu genuen Karrikiri liburu-dendan: Miren Mindegiak Pello Agirre itzultzailearekin erreportaia egin zuen joan den larunbateko DIARIO DE NOTICIASen.
Aurkeztu diogu prentsari SORGINAK, EMAGINAK ETA ERIZAINAK eta jada irakurgai daukazu Amalur Artolaren pieza GARAn eta Itziar Ugarterena BERRIAn.
Duela pare bat aste etorri zitzaigun Xabier Arrizabalo Enseñanzas de la revolución rusa aurkeztera,entzungai daukazu aurkezpen hura.
![](https://katakrak.net/sites/default/files/styles/blog_home/public/whitagram-image_7_0.jpg?itok=GOfg9qK8)
Barbara Ehrenreich eta Deirdre English gazte-gazteak ziren Sorginak, emaginak eta erizainak argitaratu zutenean. Panfleto bat izan zen hasieran, genero horren onenarekin: hipotesi ausartak, originalak, azkarrak, jauziak, ilustrazioak. Eta aldatu zuten sorgin-ehiza ulertzeko modua, eta azaldu zuten botere ekonomikoen, erlijiosoen eta politikoen aliantza jende xeheak bere gorputzen gain zuen jabetza gal zezan.
Holaxe. Ohore handia da liburu hau ekartzea, beren beregi Silvia Federicik egindako sarrera batekin, Koldo Atxagak irudiak berriz landuta eta Maria Colera Intxaustik itzulita. Asteazkenean 11:15ean Donostiako liburutegi nagusian aurkeztuko dugu.
Honez guztiaz gainera, gogoan izan areto nagusian Trixerten erakusketa daukagula (azken astea izango da): ederra da, zatoz.
Oihane Larretxeak erreportaia egin zuen GARAn Eva Illouzen Arimaren etorkizunaren aurkezpenari buruz eta Nerea Azurmendik DIARIO VASCOn egin zuen.
Aste honetan izan zen Liburutegien eguna eta Yamaguchiko liburutegiko lagunen solasaldira joan zen German Esparza Walden, Chundarata eta Menades-ekin batera. Astelehenean gai bera hartu zuen solasgai Luis Soldevilak RADIO EUSKADIko Iflandia saioan: liburuak eta matxinadak, entzun!
Maitane Legarretak bell hooks-en FEMINISMOA DENON KONTUA DA gomendatu zuen, besteak beste, GAZTEZULO aldizkarian. Ez ginen apirilean konturatu eta orain berreskuratu dugu gure blogean.
![](https://katakrak.net/sites/default/files/styles/blog_home/public/2019-10-16_182921.492_0.jpg?itok=3OlLdgHr)